ەڭ جوعارعى بال جيناعان شيارا قۇدايبەرگەنوۆا قاي ۋنيۆەرسيتەتكە ءتۇستى
الماتىلىق تۇلەك سۇلەيمان دەميرەل ۋنيۆەرسيتەتى مەن ل. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ مەملەكەتتىك باسقارۋ ماماندىعىن تاڭداعان ەكەن.
«نەگىزى 4 وقۋ ورنىن جازۋ كەرەك بولعان. مەن ۇشەۋىنە سۇلەيمان دەميرەل ۋنيۆەرسيتەتىن، بىرەۋىنە ەۋرازيا ۇلتتىق ۋنيۆەرسيتەتىن جازدىم. س د ۋ- دا قارجى ماماندىعىن تاڭدادىم. ال ە ۇ ۋ- دا مەملەكەتتىك باسقارۋ ماماندىعىنا تۇسكىم كەلدى. مەن نەگىزى لوگيست بولعىم كەلگەن، ءبىراق ول ماماندىق قازىر ەلەكتروندى تۇردە دامىپ جاتىر ەكەن. مەن س د ۋ- دا قارجى ماماندىعىن تاڭداعان سەبەبىم، 4 جىلدا حالىقارالىق 14 سەرتيفيكاتتىڭ 9-ىن الىپ شىعامىن. بۇل سەرتيفيكاتتار باسقا ج و و- دا بەرىلمەيدى ەكەن. ال قارجىگەرلەرگە بۇل سەرتيفيكات اۋاداي قاجەت. سول ءۇشىن قارجى ماماندىعىن تاڭدادىم»، - دەدى ول.
شيارانىڭ ايتۋىنشا، ونى ءبىلىم الۋعا ءال- فارابي اتىنداعى قازاق ۇلتتىق ۋنيۆەرسيتەتى، سۇلەيمان دەميرەل ۋنيۆەرسيتەتى، UIB، AlmaU جانە تاعى دا باسقا ءبىرقاتار جەكەمەنشىك ۋنيۆەرسيتەتتەر شاقىرعان.
«ءبىراق مەن س د ۋ- دى تاڭدادىم. سەبەبى الداعى 4 جىلدا اتالعان ۋنيۆەرسيتەت مەنىڭ ءبىلىمىمدى مولايتادى دەپ سەنەمىن. مۇندا تالاپ جوعارى. بارلىق ساباق اعىلشىن تىلىندە بولادى. سول ءۇشىن اعىلشىن ءتىلى كۋرسىنا قاتىسىپ ءجۇرمىن»، - دەدى الماتىلىق تۇلەك.
ايتا كەتۋ كەرەك، رەسپۋبليكا بويىنشا ۇ ب ت تەستىلەۋدەن ەڭ ۇزدىك ناتيجە - 140 ۇپايعا قول جەتكىزگەن قوجا احمەت ياسساۋي اتىنداعى №123 مەكتەپ- گيمنازيانىڭ تۇلەگى شيارا قۇدايبەرگەنوۆا التىن بەلگى مەن ۇزدىك اتتەستاتقا ۇمىتكەر بولماعان.
اۆتور: گۇلميرا عوسمانالي
