مادەنيەت مينيسترلىگى قازاقستاننىڭ نەگىزگى تۋريستىك ورىندارىن اتادى

استانا. قازاقپارات - ق ر مادەنيەت جانە سپورت مينيسترلىگى تۋريستەر ءۇشىن ينفراقۇرىلىم قامتاماسىز ەتىلىپ جاتقان قازاقستاننىڭ توپ-50 تۋريستىك ورىندارىن اتادى، دەپ حابارلايدى قازاقپارات.

«مەملەكەت باسشىسىنىڭ تاپسىرماسى بويىنشا تۋريزمدى دامىتۋ ماقساتىندا ۇكىمەت تاراپىنان ەلىمىزدە وسى سالاعا ارنالعان مەملەكەتتىك باعدارلاما ازىرلەنىپ جاتىر. باعدارلاما ماقساتى - توپ-10 جانە توپ-50 جوبالارىن قۇرۋ ارقىلى وڭىرلەر ۇسىنىستارىمەن ينفراقۇرىلىمدى قامتاماسىز ەتۋ»، - دەلىنگەن اتالعان مينيسترلىكتىڭ «قازاقپاراتقا» بەرگەن جاۋابىندا.

اتاپ ايتقاندا، توپ-10 جوباعا بالقاش پەن الاكول جاعالاۋلارى، شارىن شاتقالى، الماتى ءوڭىرىنىڭ تاۋ كلاستەرى، كونە تۇركىستاندى قالپىنا كەلتىرۋ، اشىسور تۋريستىك ايماعى، بۋراباي، يمانتاۋ- شالقار جانە باياناۋىل كۋرورتتىق ايماقتارى، «كوشپەلىلەر تاريحى» ورتالىعى ەنىپ وتىر.

ۆەدومستۆو مالىمەتىنە قاراعاندا، توپ-50 تۋريستىك ورىندارى مەن جوبالارى قازاقستاننىڭ ءار ءوڭىرىن قامتىدى.

استاناداعى نىساندار: ەلوردانىڭ ساۋلەتتىك- مادەني نىساندارى (بايتەرەك، بەيبىتشىلىك جانە كەلىسىم سارايى مەن باسقا دا نىساندار) ، «نۇر الەم» مۋزەيى، «الجير» مۋزەي- مەموريالدىق كەشەنى، مەديتسينالىق كلاستەر، ءبىلىم بەرۋ كلاستەرى، عارىش مۋزەيى، اكۆاپارك، حالىقارالىق تۋريزم ۋنيۆەرسيتەتى.

اقمولا وبلىسىندا: بۋراباي كۋرورتتىق ايماعى، زەرەندى كۋرورتتىق ايماعى، بالالار- جاسوسپىرىمدەر تۋريزمى كلاستەرى.

الماتىدا: «مەدەۋ» سپورت كەشەنى، «شىمبۇلاق» كۋرورتى، ۇلكەن الماتى كولى، كوكتوبە ساياباعى، الماتىنىڭ مادەني نىساندارى، «كوكجايلاۋ» كۋرورتى.

الماتى وبلىسى: قاپشاعاي سۋ قويماسى، كولساي كولدەرى، «التىنەمەل» ۇلتتىق پاركى، ىلە- الاتاۋ ۇلتتىق ساياباعى، «قورعاس» حالىقارالىق ورتالىعى،  «Happyland» پاركى، ۇلكەن الماتى كانالى.

اقتوبە وبلىسىندا: قارعالى سۋ قويماسىنىڭ كۋرورتتىق ايماعى.

اتىراۋ وبلىسىندا: ورتا عاسىرداعى سارايشىق كەشەنى.

شىعىس قازاقستان وبلىسىندا: كاتونقاراعاي ۇلتتىق پاركى، التايدىڭ تاۋ شاڭعىسى كلاستەرى، راحمان قاينارى.

جامبىل وبلىسىندا: «اقىرتاس» ساراي كەشەنى، «قاراحان» كەسەنەسى.

باتىس قازاقستان وبلىسىندا: بوكەي ورداسى تاريحي- مۋزەي كەشەنى، بالالار- جاسوسپىرىمدەر تۋريزمى كلاستەرى.

قاراعاندى وبلىسىندا: قارقارالى كۋرورتتىق ايماعى، « ۇلىتاۋ» تاريحي- مادەني كەشەنى.

قوستاناي وبلىسىندا: التىنسارين اۋدانىنىڭ كۋرورتتىق ايماعى، اڭشىلىق تۋريزمى كلاستەرى.

قىزىلوردا وبلىسىندا: قامىستىباس كولى كۋرورتتىق ايماعى، جاڭاقورعان كۋرورتتارى، «بايقوڭىر» عارىش ايلاعى.

ماڭعىستاۋ وبلىسىندا: اقتاۋ جاعاجاي ايماعى، «كەندىرلى» كۋرورتتىق ايماعى، تاريحي- مادەني تۋريزم باعىتىنداعى نىساندار.

تۇركىستان وبلىسىندا: سايرام- وگەم تابيعي پاركى، سارى اعاش كۋرورتتىق ايماعى، تاريحي- مادەني تۋريزم باعىتىنداعى نىساندار، «قاسقاسۋ» تاۋ- شاڭعى كۋرورتى.

اۆتور: رۋسلان عابباسوۆ