جارتى ميلليونعا جۋىق قازاقستاندىقتار شەتەلدە تۋركودپەن دەمالدى
تۋريستىك كود قارپى مەن سانى بار 11-13 (باراتىن ەلگە قاتىستى) سيمۆولدان تۇرادى. ول ءار جولدامانى راسىمدەگەن كەزدە اۆتوماتتى تۇردە بەرىلەدى. تۋريست وقىس جاعدايعا تاپ بولعان كەزدە قورعا حابارلاسىپ، تۋركودىن ايتۋى كەرەك جانە تاۋلىك بويى شۇعىل كومەك الا الادى.
قازاقستاندىقتارعا 2017-جىلدان باستاپ شەتەلگە تۋركودپەن شىعۋعا كەڭەس بەرىلەدى. ارنايى قۇرىلعان «تۋريستىك قامقور» ك ق شەتەلدە كۇتپەگەن قيىندىققا تاپ بولعان ساتتە وتانداستاردى ەلگە تەز ارادا ورالتۋدى كوزدەيدى. ەڭ الدىمەن بۇل كومەك مىندەتىنە سالعىرت قاراعان تۋريستىك فيرمالاردان زارداپ شەككەندەرگە بەرىلەدى.
«تۋريستىك قامقور» قورىنىڭ تىزىمىنە 56 تۋروپەراتور ەنگىزىلگەن. ولارعا قاتىستى اقپاراتتى fondkamkor.kz سايتىنان بىلۋگە بولادى.
قازىرگى ۋاقىتتا ەلىمىزدە شەتەلگە شىعاتىندارعا 140 تاي تۋركومپانيا قىزمەت كورسەتەدى. الايدا 70 تەن استام تۋروپەراتور قازاقستاندىقتاردىڭ شەتەلدە دەمالىسىن قاتەرگە تىگە وتىرىپ، جاسىرىن تۇردە قىزمەت كورسەتىپ كەلەدى.
«تۋريستىك قامقور» قورى شەتەلگە دەمالۋعا باراتىندارعا ەلدەن ۇشىپ شىعاردان بۇرىن قوناق ۇيگە برون جاسالعانىن، كەرى ۇيگە قايتاتىن بيلەتىنىڭ قۇنى تولەنگەنىن، سونىمەن قاتار تۋركودىنىڭ بار ەكەنىن تەكسەرىپ الۋعا كەڭەس بەرەدى.
