دۇيسەنبىدە قازاقستاندا اۋا رايى جاۋىن-شاشىندى بولادى
سولتۇستىك قازاقستان، پاۆلودار وبلىستارىندا كەي جەرلەردە جەل جىلدامدىعى 15-20 م/س جەتەدى، تۇندە جانە تاڭەرتەڭ تۇمان، كۇندىز نايزاعايلى جاڭبىر جاۋادى، سولتۇستىك قازاقستان وبلىسىندا داۋىل بولادى، بۇرشاق جاۋۋى مۇمكىن.
قىزىلوردا وبلىسىنىڭ كەي جەرلەرىندە نايزاعاي، داۋىل كۇتىلەدى، جەل 15-20 م/س كۇشەيىپ، شاڭدى داۋىل تۇرادى، بۇرشاق جاۋۋى ىقتيمال.
اقمولا وبلىسىنىڭ كەي جەرلەرىندە نايزاعاي بولادى، جەل 15-20 م/س كۇشەيەدى، تۇندە جانە تاڭەرتەڭ تۇمان بولادى.
قاراعاندى وبلىسىنىڭ كەي جەرلەرىندە نايزاعاي، تۇندە تۇمان بولادى، كۇندىز جەل 18 م/س كۇشەيەدى.
قوستاناي وبلىسىنىڭ كەي جەرلەرىندە نايزاعايلى جاۋىن جاۋادى، جەل ەكپىنى 15-20 م/س جەتەدى، باتىس قازاقستان، شىعىس قازاقستان وبلىستارىنىڭ كەي جەرلەرىندە نايزاعاي بولادى، كۇندىز جەلدىڭ جىلدامدىعى سەكۋندىنا 15-20 مەترگە ۇدەيدى.
اقتوبە، تۇندە اتىراۋ وبلىستارىندا نايزاعاي بولادى. ماڭعىستاۋ وبلىسىندا كۇندىز كەي جەرلەردە جەل 15-20 م/س كۇشەيەدى، جامبىل وبلىسىندا تۇندە جانە تاڭەرتەڭ كەي جەرلەردە تۇمان بولادى.
الماتى، قىزىلوردا، اتىراۋ، باتىس قازاقستان، اقتوبە وبلىستارىندا، جامبىل، ماڭعىستاۋ، قوستاناي، قاراعاندى وبلىستارىنىڭ كەي جەرلەرىندە قاتتى ىستىق بولادى.
قىزىلوردا وبلىسىندا، تۇركىستان، اقتوبە، اتىراۋ، باتىس قازاقستان، ماڭعىستاۋ، قوستاناي، قاراعاندى، جامبىل، الماتى وبلىستارىنىڭ كەي جەرلەرىندە جوعارى ءورت قاۋىپى ساقتالادى.
