اۋا رايى: جەكسەنبىدە وڭىرلەردە نوسەر جاڭبىر جاۋىپ، ەكپىندى جەل سوعادى
سينوپتيكتەردىڭ بولجاۋىنشا، ەلىمىزدىڭ كەي جەرلەرىندە نايزاعايلى جاڭبىر جاۋادى، بۇرشاق ءتۇسۋى دە ىقتيمال، جەل كۇشەيەدى، تۇندە جانە تاڭەرتەڭ ەلىمىزدىڭ سولتۇستىگىندە جانە ورتالىعىندا تۇمان بولادى.
تەك ەلىمىزدىڭ وڭتۇستىگى مەن وڭتۇستىك- شىعىسىندا اۋا رايى جاۋىن-شاشىنسىز. ماڭعىستاۋ، اتىراۋ، شىعىس قازاقستان، قاراعاندى، پاۆلودار، كۇندىز اقمولا، قىزىلوردا وبلىستارىنىڭ كەي جەرلەرىندە نايزاعاي بولىپ، جەل 15-20 م/س كۇشەيەدى. قىزىلوردا جانە ماڭعىستاۋ وبلىستارىندا شاڭدى داۋىل بۇرادى، پاۆلودار وبلىسىنىڭ كەي جەرلەرىندە بۇرشاق جاۋۋى مۇمكىن، اقمولا وبلىسىندا تۇندە كەي جەرلەردە تۇمان بولادى.
باتىس قازاقستان، قوستاناي، كۇندىز اقتوبە وبلىستارىنىڭ كەي جەرلەرىندە نايزاعايلى نوسەر جاۋىن كۇتىلەدى، قوستاناي وبلىسىندا تۇندە جانە تاڭەرتەڭ كەي جەرلەردە تۇمان تۇسەدى. جامبىل، سولتۇستىك قازاقستان وبلىستارىندا كەي جەرلەردە جەل جىلدامدىعى 15-20 م/س كۇشەيەدى، پاۆلودار وبلىسىندا تۇندە جانە تاڭەرتەڭ كەي جەرلەردە تۇمان بولادى.
الماتى، قىزىلوردا، اتىراۋ، باتىس قازاقستان وبلىستارىندا، جامبىل، قاراعاندى وبلىستارىنىڭ كەي جەرلەرىندە قاتتى ىستىق بولادى دەپ كۇتىلۋدە. قىزىلوردا وبلىسىندا، تۇركىستان، اقتوبە، اتىراۋ، باتىس قازاقستان، ماڭعىستاۋ، قوستاناي، قاراعاندى، جامبىل، الماتى وبلىستارىنىڭ كەي جەرلەرىندە جوعارى ءورت قاۋپى ساقتالادى.
