تامىز ايىندا تاعى ماگنيتتىك داۋىل كۇتىلۋدە
عالىمدار رەسەي عىلىم اكادەمياسى پ. ن لەبەديەۆ اتىنداعى فيزيكا لابوراتورياسى زەرتتەۋلەرىنە سۇيەنە وتىرىپ وسىنداي حاباردى تاراتىپ وتىر، دەپ حابارلايدى massaget.kz سايتى.
مۇنداي داۋىلدار ەنەرگەتيكالىق جۇيەلەردە ءالسىز اۋىتقۋلارعا، ءوشىپ قالۋلارعا، عارىشتىق قۇرىلعىلاردى باسقارۋ كەزىندە ماسەلەلەر تۋدىرۋعا سەبەپ بولۋى مۇمكىن. استرونومداردىڭ حابارلاۋىنشا، بۇرىنعى ماگنيتتىك داۋىلدار - 20- ءساۋىر، 6- مامىر، 2- ماۋسىم جانە 28- ماۋسىم كۇندەرى بولعان. بۇلاردىڭ ىشىندەگى ەڭ كۇشتىسى جانە ەڭ بەلسەندىسى 20- ءساۋىر كۇنى بولعان ماگنيتتىك داۋىل.
ماگنيتتىك داۋىلدىڭ ادام اعزاسىنا تيگىزەتىن اسەرىنە توقتالار بولساق، دەنى ساۋ ادامدارعا بۇل ۇدەرىس اسا بايقالماۋى مۇمكىن. دەگەنمەن لەيكەميا نەمەسە انەميامەن اۋىراتىن ادامدار ءبىرشاما زارداپ شەگەدى. ياعني ادامنىڭ قانىنداعى لەيكوتسيتتەر بەلگىلى ءبىر سيكل وتكەن كەزدە سوعان ساي كەلمەي قالادى. ماگنيتتىك داۋىل كوبىنەسە دەنساۋلىق جاعدايى اۋا رايىنا بايلانىستى وزگەرەتىن، جۇرەك-قانتامىرلارى جۇيەسى اۋىراتىن ادامدارعا كەرى اسەر ەتەدى. ماگنيتتىك داۋىل كەزىندە مۇنداي ادامداردىڭ باسى اينالىپ، جۇرەگى اينىپ نەمەسە قان قىسىمى تومەندەپ كەتۋى مۇمكىن.
اتاپ وتسەك، سوڭعى 5 بالدىق شكالا بويىنشا ماگنيتتىك داۋىل قازاقستاندا استانا ۋاقىتىمەن ساعات 09:00 دە باستالىپ تۇسكە دەيىن جالعاسقان ەدى.
