جۇما كۇنى ەلىمىزدىڭ باسىم بولىگىندە جاۋىن جاۋادى

استانا. قازاقپارات - اتموسفەرالىق اۋا اعىنداردىڭ وتۋىنە بايلانىستى رەسپۋبليكانىڭ باسىم بولىگىندە نايزاعايمەن بىرگە جاڭبىر جاۋادى، بۇرشاق جاۋۋى مۇمكىن، جەل كۇشەيەدى، كەي جەرلەردە تۇمان تۇسەدى، دەپ حابارلايدى قازاقپارات.

قازگيدرومەتتىڭ حابارلاۋىنشا، سولتۇستىك قازاقستان، قوستاناي وبلىستارىنىڭ كەي جەرلەرىندە جەل 15-20 م/س كۇشەيەدى، كۇندىز كەي جەرلەردە بۇرشاق جاۋۋى مۇمكىن. سولتۇستىك قازاقستان، اقمولا، شىعىس قازاقستان، پاۆلودار وبلىستارىندا تۇندە جانە تاڭەرتەڭ كەي جەرلەرىندە تۇمان تۇسەدى، كۇندىز كەي جەرلەردە جەل 15-20 م/س كۇشەيۋى ىقتيمال.

ال، قاراعاندى، جامبىل، تۇركىستان، كۇندىز ماڭعىستاۋ وبلىستارىندا جەل 15-20 م/س جىلدامدىقپەن سوعادى. ال، الماتى، ماڭعىستاۋ وبلىستارىنىڭ كەي جەرلەرىندە قاتتى ىستىق كۇتىلەدى. 

قىزىلوردا، تۇركىستان وبلىستارىندا، كەي جەرلەردە اقتوبە، اتىراۋ، باتىس قازاقستان، ماڭعىستاۋ، قوستاناي، قاراعاندى، جامبىل، الماتى وبلىستارىندا وتە جوعارى ءورت قاۋىپى ساقتالادى.