15:01, 02 - تامىز 2018 | GMT +5
فۋتبولدان وزبەكستان قۇراماسىن بەلگىلى ارگەنتينالىق باپكەر جاتتىقتىرادى
تاشكەنت. قازاقپارات - وزبەكستان فۋتبول قاۋىمداستىعى ۇلتتىق قۇراماسىن جاتتىقتىرۋعا بەلگىلى ارگەنتينالىق باپكەردى شاقىردى، دەپ حابارلايدى «قازاقپارات» ح ا ا- نىڭ مەنشىكتى ءتىلشىسى.
«وزبەكستان فۋتبول قاۋىمداستىعى وزبەكستان ۇلتتىق قۇراماسىن جاتتىقتىراتىن باپكەرمەن كەلىسسوزدەردى اياقتادى. وزبەكستان ۇلتتىق قۇراما كومانداسىنىڭ باس باپكەرى 6 - تامىز كۇنى رەسمي تانىستىرىلادى»، - دەپ مالىمدەدى قاۋىمداستىقتىڭ باسپا ءسوز قىزمەتى.
قاۋىمداستىقتىڭ ءبىرىنشى ۆيتسە- پرەزيدەنتى ۋميد احماتجانوۆتىڭ ايتۋىنشا، وزبەكستان قۇراماسىن حالىقارالىق تاجىريبەسى مول باپكەر جاتتىقتىرۋى ءتيىس. وسىعان وراي، وزبەكستان فۋتبول قاۋىمداستىعى وننان استام مامانمەن كەلىسسوزدەر جۇرگىزىپ، اقىر سوڭىندا ارگەنتينالىق تاجىريبەلى مامان ەكتور كۋپەرگە توقتالعان. ول يسپانيانىڭ «مالوركا»، «ۆالەنسيا»، «رەال بەتيس»، يتاليانىڭ «پارما»، «ينتەر» كوماندالارىن جاتتىقتىرعان.
