سەمەيدەگى اباي مۋزەيىنە قىتاي تىلىندەگى كىتاپتار تارتۋ ەتىلدى

سەمەي. قازاقپارات - سەمەيدىڭ ابايدىڭ «جيدەباي- ءبورىلى» مەملەكەتتىك قورىق- مۋزەيىنە قىتاي- قازاقستان- رەسەي باعىتى بويىنشا ۇيىمداستىرىلعان ەكسپەديتسيا مۇشەلەرى كەلدى، دەپ حابارلايدى قازاقپارات.

  كەزدەسۋ بارىسىندا ەكسپەديتسيا مۇشەلەرى مۋزەيگە قىتايدا ابايدى العاش زەرتتەگەن اۋدارماشى حۋان جاننىڭ ارنايى ۇلى اقىن شاڭىراعىنا جىبەرگەن ەڭبەكتەرىن سىيعا تارتتى. ولاردىڭ قاتارىندا ابايدىڭ تولىق جيناعى، تاڭدامالى ولەڭدەر جيناعى، ابايدىڭ قاراسوزدەرى، «اباي جولى» رومانىنىڭ ەكى تومى بار.

90 جاستاعى اۋداماشى ابايدىڭ شىعارمالارىن قىتاي تىلىنە اۋدارىپ قانا قويماي، زەرتتەپ جۇرگەن ازامات. مۋزەي قورىنا تابىستالعان 8 كىتاپتىڭ ىشىندە قاريانىڭ جاڭادان شىققان زەرتتەۋ ەڭبەكتەرى بار.

 ابايدىڭ مەملەكەتتىك قورىق- مۋزەيىنىڭ ديرەكتورى بولات جۇنىسبەكوۆ بار ءومىرىن ابايعا ارناعان عالىمعا العىسىن ءبىلدىرىپ، اباي - پۋشكين شىعارمالارىنىڭ جيناعىن سىيعا تارتتى.

ايتا كەتەيىك، اتالمىش ەكسپەديتسيا مۇشەلەرى العاش رەت اباي شاڭىراعىنا 2016 -جىلى كەلگەن.

 «ابايدىڭ «جيدەباي- ءبورىلى» مەملەكەتتىك قورىق- مۋزەيىنە ەرتىس بويىنداعى قالالار مەن ەلدى مەكەندەردىڭ سالت- ءداستۇر، تۇرمىس- سالتىن زەرتتەۋ ماقساتىندا قىتاي- قازاقستان- رەسەي باعىتى بويىنشا ۇيىمداستىرىلعان ەكسپەديتسيا 2016 -جىلى كەلىپ قايتقان ەدى. مۋزەي ەكسپوزيتسياسىن تاماشالاپ، ءوزارا پىكىر الىسىلعان. بۇل جولى اۋدارماشىنىڭ اباي تۋرالى زەرتتەۋلەرى مەن قىتاي تىلىنە اۋدارىلعان اباي شىعارمالارىن سىيعا تارتتى. جالپى اڭگىمەمىز ابايدىڭ شىعارماشىلىعى توڭىرەگىندە ءوربىدى»، - دەدى مۋزەي ديرەكتورى بولات جۇنىسبەكوۆ.

اۆتور: باعىم عالىمبەك قىزى