07:14, 02 - تامىز 2018 | GMT +5
فرانسيا ەلشىسى: قازاقستانداعى بەرەل قورىمى تۋرالى الەم تۋريستەرى بىلمەي جاتىر
استانا. قازاقپارات - كاتونقاراعايعا جۇمىس ساپارىمەن فرانسيانىڭ قازاقستانداعى توتەنشە جانە وكىلەتتى ەلشىسى فيليپپ مارتينە كەلدى. بۇل تۋرالى altaynews حابارلايدى.
كاتونقاراعايعا جۇمىس ساپارىمەن فرانسيانىڭ قازاقستانداعى توتەنشە جانە وكىلەتتى ەلشىسى فيليپپ مارتينە كەلىپ، بەرەل مەملەكەتتىك قورىق- مۋزەيى اۋماعىندا بولىپ قايتتى.
تىكۇشاقتان تۇسە سالىسىمەن، مارتينە مىرزا بىردەن «پاتشالار جازىعىنداعى» قورعانداردى ارالاۋدان باستادى.
«بۇل جەر تۋرالى الەمدەگى تۋريستەر ءالى بىلمەي جاتقان بولۋى كەرەك. بەرەلدەگى جازىق جاھاندىق تۋريزم ورتالىعى رەتىندە وركەندەپ، دامۋى ءتيىس. مەن بۇگىنگى كورگەنىمە تاڭ قالىپ، تاڭداي قاققاننان باسقا ايتارىم جوق»، - دەدى ف. مارتينە.
