قازاقستاندا «مەكتەپكە جول» قايىرىمدىلىق اكسياسى باستالدى
ق ر ءبىلىم جانە عىلىم مينيسترلىگىنىڭ «مەكتەپكە جول» الەۋمەتتىك باستاماسى از قامتىلعان جانە كوپ بالالى وتباسىلاردىڭ، جەتىم جانە اتا- انا قامقورلىعىنسىز قالعان بالالاردىڭ جاڭا وقۋ جىلىنا دايىندالۋىنا كومەك كورسەتۋ ماقساتىندا جىل سايىن ۇيىمداستىرىلادى.
«وسىعان دەيىن وتكىزىلگەن 10 جىل ىشىندە اكسيادا 3 ميلليونعا جۋىق بالاعا جالپى سوماسى 18 ملرد تەڭگە شاماسىندا ماتەريالدىق قولداۋ كورەسەتىلدى. اتاپ ايتساق، وتكەن جىلى اتالعان اكتسيا اياسىندا 316 مىڭ بالاعا مەكتەپكە دايىندىق كومەگى كورسەتىلدى. دەمەۋشىلەر مەن مەتسەناتتار جالپى سوماسى 7,9 ميلليارد تەڭگەدەن استام كومەك پەن قولداۋ كورسەتتى. مەملەكەتتىك ورگاندار، ۇلتتىق كومپانيالار مەن اكتسيونەرلىك قوعامدار جىل سايىن اكسياعا بەلسەنە قاتىسادى»، - دەدى ق ر ب ع م بالالار قۇقىقتارىن قورعاۋ كوميتەتىنىڭ ءتوراعاسى نۇربەك ورشۋبەكوۆ.
ق ر ب ع م ەلىمىزدىڭ بارلىق ازاماتتارىنا، بيزنەسمەندەرگە، كاسىپكەرلەرگە، مەتسەناتتارعا اتالعان اكتسياعا قوسىلۋعا جانە ومىرلىك قيىن جاعدايعا تاپ بولعان بالالارعا، وتباسىلارعا كومەك كورسەتۋگە شاقىرادى.
سونىمەن قاتار كوميتەت ءتوراعاسى ماتەريالدىق قولداۋ ەڭ كوپ كورسەتىلگەن ايماقتار رەتىندە الماتى، ش ق و، قاراعاندى، جامبىل وبلىستارىن اتاپ ءوتتى.
«مەكتەپكە جول» اكسياسىنا قاتىسۋعا تىلەك بىلدىرۋشىلەر بالالار قۇقىقتارىن قورعاۋ كوميتەتىنىڭ تەلەفونىنا - 87172742140، سونداي-اق استانا، الماتى، شىمكەنت قالالارىنىڭ ءبىلىم باسقارماسىنا حابارلاسۋىنا بولادى.
