ترامپ يران باسشىسىمەن كەزدەسۋگە دايىن ەكەنىن مالىمدەدى
وسىعان بايلانىستى يران پرەزيدەنتى رۋحانيدىڭ كەڭەسشىسى حاميد ابۋتالەبي كەلىسسوزدى باستاۋ ءۇشىن ا ق ش تاراپى 2015 -جىلعى يادرولىق كەلىسىمدى ورىنداۋى قاجەت دەپ ەسكەرتتى. سونداي- اق يران تالاپتارىن قۇرمەتتەپ، وسى ەلگە قاتىستى وشپەندىلكتەن باس تارتۋى ءتيىس ەكەنىن ايتتى.
ەسكە سالا كەتەيىك، مامىردىڭ 21- كۇنى ا ق ش مەملەكەتتىك حاتشىسى مايك پومپەو تەگەران ءوزىنىڭ ساياسي باعىتىن وزگەرتپەسە، جاڭا سانكسيالار سالىپ، قىسىمدى كۇشەيتەتىنىن ايتقان. ءسويتىپ يراننىڭ يادرولىق باعدارلاماسىنا قاتىستى جاڭا كەلىسىم جاساۋ ءۇشىن 12 تالاپ قويدى.
دونالد ترامپ، ا ق ش پرەزيدەنتى:
- ەگەر يران تاراپى قالاسا مەن كەزدەسۋگە دايىنمىن. جۇزدەسۋدە تۇرعان ەشنارسە جوق. ءبىراق ولاردىڭ قازىر كەلىسسوزگە قانشالىقتى دايىن ەكەنىن بىلمەيمىن. دەگەنمەن، يران قيىن ۋاقىتتى باسىنان كەشىرىپ جاتىر. يادرولىق كەلىسىمنەن باس تارتقانىمدى بىلەسىزدەر. مەنىڭ ويىمشا ولار كەزدەسۋ وتكىزۋدى ۇسىناتىن بولادى.
ا www.24.kz
