12:55, 31 - شىلدە 2018 | GMT +5
قىرعىزستاندا تاس كوشكىنىنەن زارداپ شەككەن قازاقستاندىقتار قۇتقارىلدى
بىشكەك. قازاقپارات - قىرعىزستاننىڭ سكريابين مۇزدىعىندا تاس كوشكىنىنەن قازا تاپقان قازاقستاندىق پەن باسقا دا تۋريستەر ەۆاكۋاتسيالاندى، دەپ حابارلايدى «قازاقپارات» ح ا ا- نىڭ مەنشىكتى ءتىلشىسى قىرعىز رەسپۋبليكاسى ت ج م باسپا ءسوز قىزمەتىنە سىلتەمە جاساپ.
قازاقستان قۇتقارۋ قىزمەتىنىڭ تىكۇشاعى زارداپ شەككەندەردىڭ بارلىعىن قۇتقارىپ، بىشكەك قالاسىنداعى «ماناس» اۋەجايىنا جەتكىزگەن.
ەسكە سالايىق، 30- شىلدەدە قىرعىزستان اۋماعىندا بىشكەك قالاسىنان 40 شاقىرىم قاشىقتىقتا سكريابين مۇزدىعى اۋدانىندا ءبىر توپ تۋريستەر تاۋدان قۇلاعان تاس كوشكىنىنە تاپ بولعان ەدى. زارداپ شەگۋشىلەردىڭ اراسىندا ءتورت قازاقستان ازاماتى بار. ق ر سىرتقى ىستەر مينيسترلىگى وقيعا كەزىندە قازاقستاندىقتىڭ مەرت بولعانىن راستادى.
بۇگىن قىرعىزستانعا ق ر ت ج ك رەسپۋبليكالىق جەدەل-قۇتقارۋ جاساعىنىڭ قۇتقارۋشىلارى قازاۆياقۇتقارۋ تىكۇشاعىمەن تۋريستەرگە كومەككە اتتاندىرىلدى.
