قازاقستان اۆيا قۇتقارۋ تىكۇشاعى قىرعىزستانداعى تۋريستەرگە كومەككە اتتاندى

«6.58 دە رەسپۋبليكالىق جەدەل- قۇتقارۋ جاساعىنىڭ قۇتقارۋشىلارى قىرعىزستان رەسپۋبليكاسىنا قاز اۆيا قۇتقارۋ تىكۇشاعىمەن سكريابين مۇزدىعى اۋدانىنا ۇشىپ كەتتى. الدىن الا اقپارات بويىنشا، مۇندا كەشە تەڭىز دەڭگەيىنەن 4100 مەتر بيىكتىكتە تۋريستەر تاس قۇلاماعا تاپ بولعان.

9 ادامنان، سونىڭ ىشىندە ەكى كينولوگيالىق توپتان قۇرالعان جەدەل توپ الماتىدان مي-171 ي تىكۇشاعىمەن ۇشىپ كەتتى»، - دەلىنگەن حابارلامادا.

ەسكە سالايىق، 30- شىلدەدە قىرعىزستان اۋماعىندا بىشكەك قالاسىنان 40 شاقىرىم قاشىقتىقتا سكريابين مۇزدىعى اۋدانىندا ءبىر توپ تۋريستەر تاس قۇلاماعا تاپ بولعان ەدى. زارداپ شەگۋشىلەردىڭ اراسىندا ءتورت قازاقستان ازاماتى بار. ق ر سىرتقى ىستەر مينيسترلىگى قىرعىزستانداعى تاس قۇلاما كەزىندە قازاقستاندىقتىڭ مەرت بولعانىن راستادى.