ەلوردانىڭ ون مىڭعا جۋىق تۇرعىنى سيفرلىق ساۋاتتىلىعىن ارتتىردى

استانا. قازاقپارات - ەلوردانىڭ ون مىڭعا جۋىق تۇرعىنى سيفرلىق ساۋاتتىلىعىن ارتتىردى.

بۇل باعىتتاعى جوباعا 19 الاڭ مەن 30 عا جۋىق وقىتۋشى تارتىلدى، دەپ حابارلايدى ەلوردا اكىمدىگىنىڭ رەسمي سايتى.

بۇگىندە كۋرستان 9 مىڭنان استام تىڭداۋشى ءوتتى. اقپاراتتىق ساۋاتتىلىعىن كەز كەلگەن ادام جەتىلدىرە الادى، جاسىنا شەكتەۋ جوق.

«مەن ە ت س ق نە ەكەنىن جانە ۇيدە وتىرىپ كوممۋنالدىق قىزمەتتى قالاي تولەۋ كەرەكتىگىن، ءتۇرلى انىقتامانى كورىپ، قالاي شىعارىپ الۋدى بىلمەيتىنمىن. ەندى وسىنىڭ ءبارىن ۇيدەن شىقپاي-اق ىستەي الامىن، باسقالارعا دا وسى كۋرستان وتۋگە كەڭەس بەرەمىن، وتە پايدالى»، ¬- دەدى زەينەتكەر ناعيما ورازبەكوۆا.

ءدارىس جاڭادان ۇيرەنۋشىلەرگە دە، جەلىنى ۇزدىك پايدالانۋشىلارعا دا وتە پايدالى. وقۋ باعدارلاماسى ءتورت باعىتتا وتكىزىلەدى: بازالىق سيفرلىق ماشىق، ەلەكتروندى مەملەكەتتىك قىزمەت كورسەتۋ، اشىق ۇكىمەت، ەلەكتروندى ساۋدا. تىڭداۋشىلاردىڭ اقپاراتتىق ءبىلىمىن ارتتىرۋدا كومپيۋتەر مەن موبيلدى قۇرىلعىلار پايدالانىلادى.

«نەگىزىنەن بىزگە كوبىنە زەينەتكەرلەر كەلەدى، ولاردىڭ بىلۋگە دەگەن ىنتاسى زور، كوزدەرى جانىپ تۇر. ولارعا الەۋمەتتىك جەلى دە قىزىقتى. كۋرس باستالعالى بىزگە 400 دەي ادام كەلدى»، - دەيدى 76№  مەكتەپ-ليتسەيدىڭ ينفورماتيكا وقىتۋشىسى عاليا قۇلشيمانوۆا.

تىڭداۋشىلار وقۋدان ءبىر كۇندە وتە الادى جانە سەرتيفيكات بەرىلەدى. اقپاراتتىق ساۋاتتىلىقتى قالاداعى وقۋ ورىندارىندا (مەكتەپ پەن كوللەدج)، حالىقتى جۇمىسپەن قامتۋ ورتالىعىندا، الەۋمەتتىك قىزمەت كورسەتۋ ورتالىعىندا جانە ت. ب. كۋرس 3- تامىزعا دەيىن سوزىلادى.