العاشقى كومەك كورسەتۋدى بىلەسىز بە؟
كوپشىلىك ەس- ءتۇسسىز جاتقان جاندى كورسە ابدىراپ قالادى. سوندىقتان رەسپۋبليكالىق سانيتارلىق اۆياتسيا ورتالىعى قوعامدى اقپاراتتاندىرۋ ماقساتىندا شەبەرلىك سىنىپتارىن وتكىزدى. ولاردىڭ ايتۋىنشا، بۇگىنگى كۇننىڭ تاعى ءبىر وزەكتى ماسەلەسى - قوعامدىق ورىنداردا دەفيبريللياتوردىڭ جەتىسپەۋشىلىگى. شاعىن اپپارات ەس- ءتۇسسىز جاتقان ادامعا قانداي كومەك كورسەتۋ كەرەك ەكەنىن اۆتوماتتى تۇردە انىقتاپ، نۇسقاۋ بەرەدى.
«وسىنداي اپپاراتتى قولدانۋ ارقىلى جىلىنا مىڭداعان ادامنىڭ ءومىرىن ساقتاپ قالۋعا بولار ەدى»، - دەيدى ماماندار.
بوريس سارتايەۆ، رەسپۋبليكالىق سانيتارلىق اۆياتسيا ورتالىعىنىڭ نۇسقاۋشى دارىگەرى:
- كاسىپكەرلەر ءوز نىساندارىن ءورت ءسوندىرۋ قۇرالدارىمەن جابدىقتايدى. ال ادام ءومىرىن ساقتاۋعا قاجەتتى قۇرىلعىنى قويۋ تۋرالى ويلانبايدى. جالپى بازالىق رەانيماتسيانى كوپشىلىكپەن جۇمىس ىستەيتىن جانە قوعامدىق ورىنداردا قىزمەت اتقاراتىن ادامداردىڭ مەڭگەرگەنى ابزال. ەگەر ولار كومەكتى ءوز قولىمەن جاساپ ۇيرەنسە، ەسىندە جاقسى ساقتالادى جانە توتەنشە جاعدايدا بىردەن ىسكە كىرىسەدى. سونىڭ ارقاسىندا كومەك كورسەتۋ ۋاقىتى قىسقارىپ، ادام ءومىرىن ساقتاپ قالۋعا مۇمكىندىك ارتادى.
www.24.kz
