20:25, 30 - شىلدە 2018 | GMT +5
قىرعىزستاندا قازاقستاندىق ازاماتتىڭ قازا تاپقانى راس - ق ر س ءى م
استانا. قازاقپارات - ق ر سىرتقى ىستەر مينيسترلىگى قىرعىزستانداعى تاس كوشكىنى كەزىندە قازاقستاندىق ازاماتتىڭ قازا تاپقانى تۋرالى دەرەكتى راستادى، دەپ حابارلايدى قازاقپارات ءتىلشىسى ۆەدومستۆونىڭ باسپا ءسوز قىزمەتىنە سىلتەمە جاساپ.
«مەرت بولعان ادام - قازاقستان ازاماتى. تاعى ءبىر ادام اۋىر حالدە جاتىر»، - دەدى اگەنتتىكتىڭ تىلشىسىنە ۆەدومستۆونىڭ باسپا ءسوز قىزمەتىندەگىلەر.
ق ر س ءى م- دە ءمالىم ەتكەندەي، قازاقستاندىق تىكۇشاق تۋريستەردى ەۆاكۋاتسيالاۋعا دايىن، الايدا كۇن بۇلتتى بولعاندىقتان، وقيعا ورنىنا قونا المايدى.
«بالكىم، ەرتەڭ تاڭەرتەڭ بۇلت سەيىلگەندە ەۆاكۋاتسيالاۋدى باستايتىن بولارمىز، - دەدى باسپا ءسوز قىزمەتىنىڭ وكىلى.
ەسكە سالايىق، بۇگىن قىرعىز رەسپۋبليكاسىنىڭ استاناسى بىشكەك قالاسىنان 40 شاقىرىم جەردە ورنالاسقان سكريابين مۇزدىعىنىڭ اۋماعىندا ءبىر توپ تۋريستەر تاس كوشكىنىنىڭ استىندا قالىپ قويعان ەدى. زارداپ شەككەندەردىڭ ىشىندە قازاقستاننىڭ ءتورت ازاماتى بار.
