پەتروپاۆلداعى بالىقشىلار جارىسىنا قىز- كەلىنشەكتەر دە قاتىستى

استانا. قازاقپارات - پەتروپاۆلدا اۋەسقوي بالىقشىلار قارماق سالۋدان ءوزارا مىقتىنى انىقتادى. وسىمەن ءۇشىنشى جىل قاتارىنان ۇيىمداستىرىلعان سايىسقا سولتۇستىك قازاقستان، جامبىل جانە رەسەيدىڭ ومبى وبلىسىنان 30 ازامات قاتىستى.

 ۋاقىتتارىن ءتيىمدى وتكىزۋگە كەلگەندەردىڭ قاتارىندا قىز- كەلىنشەكتەر دە بار. بايقاۋ ەرەجەسىنە سايكەس ولار كوماندالىق جانە جەكەلەي سىندا ونەر كورسەتتى. ءۇش ساعات ۋاقىت ىشىندە قارماقشىلار ءبىر سەنتنەردەن استام سۋ مارجانىن ۇستادى. ال اسپازدار بولسا اشىق اسپان استىندا 350 كەلىگە جۋىق بالىق سورپاسىن ازىرلەپ، دەمالۋشىلارعا تەگىن ۇلەستىردى. وسىلايشا قارماقشىلار مەن قالا تۇرعىندارى «موڭكە بالىق» كۇنىن ەرەكشە اتاپ ءوتتى.

ناتاليا گرين، بالىقشى:

 - بالىق اۋلاۋعا جاستايىمنان اۋەستەندىم. مۇندا كەلگەندە كادىمگىدەي دەمالىپ قالامىن. سوندىقتان بۇل ەرمەكتى ايەل مەن ەركەكتەر اراسىندا ءبولىپ جارۋعا بولمايدى. باستىسى -  جەڭىس ەمەس، جارىسقا قاتىسىپ، ۋاقىتتىمىزدى ءتيىمدى وتكىزۋ.

www.24.kz