18:51, 30 - شىلدە 2018 | GMT +5
قىرعىزستاندا تاس كوشكىنىنىڭ استىندا قالعان قازاقستاندىقتار قۇتقارىلۋدا
استانا. قازاقپارات - قىرعىزستاندا تاۋدان قۇلاعان تاس كوشكىننىڭ استىندا قالعان قازاقستان ازاماتتارى قۇتقارىلۋدا. بۇل تۋرالى قازاقپارات تىلشىسىنە ق ر سىرتقى ىستەر مينيسترلىگىنىڭ باسپا ءسوز قىزمەتىندە ءمالىم ەتتى.
«بۇگىن قىرعىز رەسپۋبليكاسىنىڭ استاناسى بىشكەك قالاسىنان 40 شاقىرىم جەردە ورنالاسقان سكريابين مۇزدىعىنىڭ اۋماعىندا ءبىر توپ تۋريستەر تاس كوشكىنىنىڭ استىندا قالىپ قويدى. جاپا شەككەندەردىڭ اراسىندا قازاقستاننىڭ ءتورت ازاماتى بار. باستاپقى بولجام بويىنشا، ءبىر ادام قازا تاپقان. وقيعانىڭ ءمان- جايىن انىقتاۋ ۇستىندەمىز»، - دەدى ق ر س ءى م وكىلى.
مينيسترلىكتەن ءمالىم ەتىلگەندەي، قازاقستاندىق كونسۋلدىڭ كومەگىمەن ءبىزدىڭ ەلدىڭ ازاماتتارىن قۇتقارۋعا ق ر ءى ءى م توتەنشە جاعدايلار كوميتەتىنىڭ قۇتقارۋشىلارى جۇمىلدىرىلعان.
«زارداپ شەككەن تۋريستەردى ەۆاكۋاتسيالاۋ ءۇشىن قازاقستاننان تىكۇشاق جىبەرۋ ماسەلەسىن قاراستىرىپ جاتىرمىز. ساياحاتشىلاردىڭ اراسىندا رەسەي ازاماتتارى دا بار»، - دەدى ق ر س ءى م باسپا ءسوز قىزمەتىندەگىلەر.
