قازاقستاندا قاجىلىققا بارۋشىلارعا قانداي تالاپ قويىلادى؟
قاجىلار استانا، الماتى، شىمكەنت جانە اقتاۋ قالالارىنان تىكەلەي اۋە رەيستەرى ارقىلى ۇشادى، دەپ حابارلايدى 24- ارنا.
قازاقستاندىقتاردىڭ ساۋد ارابياسىنا اتتاناتىن قاجىلىق ساپارىنا 18 تۋريستىك كومپانيا قىزمەت كورسەتەدى. ولار قاجىلاردىڭ قاۋىپسىزدىگىن قامتاماسىز ەتەدى. بيىل 3 مىڭ قازاقستاندىق قاجىلىققا بارادى.
«بەس پارىزدىڭ بىرەۋىن وتەۋگە باراتىن قازاقستاندىقتاردىڭ قاۋىپسىزدىگى باستى نازاردا»، - دەيدى ساپاردى ۇيىمداستىرۋشىلار.
ۇشۋ تىكەلەي رەيس ارقىلى جۇزەگە اسادى. قويىلاتىن تالاپتار جىلداعىداي - ءتول قۇجاتتار، سونىمەن قاتار مەنينگيتكە قارسى ۆاكتسينا سالدىرۋ. سول تۋرالى سەرتيفيكات قولدارىندا بولۋى كەرەك»، - دەيدى ق م د ب قاجىلىق ءبولىمىنىڭ قىزمەتكەرى نۇرقانات بايزاقوۆ.
ساۋد ارابياسى قولايسىز ەلدەر قاتارىنا بولعاندىقتان قاجىلار مەنينگيتكە قارسى ەكپە سالدىرۋى مىندەتتى.
«ەكپەنى ساپاردان كەم دەگەندە 10 كۇن بۇرىن الۋ كەرەك. سوندا عانا اسەرى بولادى»، - دەيدى دارىگەرلەر.
«ساۋدا ارابياسى ەڭ الدىمەن مەنينگوكوكك جۇقپاسىنا قارسى ەگۋدى نەمەسە ۆاكتسينانى الۋدى تالاپ ەتەدى»، - دەيدى «س ە س جانە مونيتورينگ عىلىمي-پراكتيكالىق ورتالىعى» فيليالىنىڭ ءبولىم باسشىسى ايناگۇل قۋاتبايەۆا.
قاجىلار پارىزىن شامامەن 16-17 كۇن وتەيدى.
