وپتيميزم - جاقسى قاسيەت
استانا. قازاقپارات - عىلىم تىلىندە وپتيميزم دەگەنىمىز - دۇنيەگە ءۇمىت كوزىمەن، سەنىممەن قاراۋشىلىق، ۇمىتسىزدىكتەن اۋلاق بولۋ، دۇنيەدە ىزگىلىك ۇستەم بولادى، ادىلەت سالتانات قۇرادى جانە بارشا جۇرت باقىتقا كەنەلەدى دەگەن سەنىمگە نەگىزدەلگەن دۇنيەتانۋ تۇسىنىگى. بۇل انىقتامانىڭ سيپاتىن ەكزيستەنسيالدى كەڭىستىككە سالساق، ءوپتيميزمنىڭ شەڭبەرى ەداۋىر كەڭ ەكەنىن تۇسىنۋگە بولادى. نازارلارىڭىزعا وپتيميستىك ۇستانىمعا ارنالعان سيۋجەتتەردى ۇسىنامىز.
اقشادان دا قۇندى دۇنيە ءبىر كاسىپكەردىڭ ءىسى العا باسپاي، ساتسىزدىكتەر ءبىرىنىڭ ارتىنان ءبىرى شىعا بەرەدى. اقىرى قارىزعا باتىپ، كاسىبى توقتايدى. جاعدايدان قالاي شىعۋعا بولادى دەپ باسى قاتقان ول ساياباققا كەلىپ دەمالىپ وتىرادى. سول كەزدە قاسىنا ەگدە تارتقان بىرەۋ كەلىپ، ءمان- جايدى سۇراپ، كومەكتەسپەك بولادى.
قارىزعا باتقان كاسىپكەردىڭ جاعدايىن تۇسىنگەن قاريا، 500 مىڭ دوللاردىڭ چەگىن شىعارىپ، قول قويادى دا كاسىپكەرگە ۇسىنادى. - مىنا سومانى قابىل ال. ءبىر جىلدان كەيىن جاعدايىڭ تۇزەلگەندە ماعان ءدال وسى جەردە، ءدال وسى ۋاقىتتا قايتارارسىڭ، - دەپ ءوز جونىمەن كەتەدى.
بۇل مارتىككە قايران قالعان كاسىپكەر چەككە قاراسا، الگى ادام سول كەزدەگى ەڭ باي كاسىپكەر دجون روكفەللەر ەكەن. سول ساتتەن باستاپ كاسىپكەرگە قانات ءبىتىپ، ءىسى العا باسادى. ءبىراق ول 500 مىڭ دوللاردى كادەگە جاراتپايدى. ءىسى مۇلدەم قۇردىمعا كەتكەن جاعدايدا كەرەك بولار دەپ ىسكەر ادام رەتىندە ونى بولەك ساقتاپ قويادى. كاسىبى وڭالعان كاسىپكەر بۇرىنعى جاعدايىن قايتا جاساپ الىپ، دامي بەرەدى.
سولاي ءبىر جىل دا وتە شىعىپ، كاسىپكەر الگى ۋاعدالاسقان جەرگە قارىزىن قايتارۋ ءۇشىن قايتا كەلەدى. كەلىسكەن ۋاقىتتا قاريا دا كەلەدى سول جەرگە. كاسىپكەر العىسىن ەندى جاۋدىرماق بولىپ جاتقاندا، قاريانى ارتىنان قۋىپ جەتكەن مەدبيكەلەر شاپ بەرىپ ۇستاپ الادى. - ارەڭ ۇستادىق، قۇرسىن. ءقازىر عانا ۇيدە جۇرگەن ەدى، تاعى قاشىپ كەتىپتى. سىزدەن كەشىرىم سۇرايمىز، بۇل كىسى كوشە كەزىپ، بارىنە ءوزىن دجون روكفەللەرمىن دەپ تانىستىرىپ جۇرەدى. ءسىزدىڭ مازاڭىزدى الماعان بولار؟ - دەپ جونىمەن كەتە بەردى.
سول ساتتە كاسىپكەر ءوزىنىڭ ءبىر جىل بويى اۋاداعى اقشامەن جۇرگەنىن تۇسىنەدى. ءبىراق سول اقشانىڭ يلليۋزياسى كاسىپكەرگە وپتيميزم بەرىپ، قاناتتاندىرعانى دا راس. ءتۇيىن: وپتيميزم - اقشادان دا قۇندى دۇنيە.
ەكى ءتۇرلى كوزقاراس اياق- كيىم وندىرەتىن بەلگىلى كومپانيا ءوز تاۋارىن ءۇندىستانعا شىعارماق نيەتپەن ەكى ساراپشىسىن سوندا جىبەرەدى. ەكەۋىنە جەرگىلىكتى حالىقتىڭ تۇرمىسى مەن تاۋاردىڭ ساتىلۋ پوتەنسيالىن باعالاۋ تاپسىرىلادى.
ءبىراز ۋاقىت وتكەن سوڭ، ءبىرىنشى ساراپشى كەلىپ بىلاي دەيدى: - مۇندا ەشكىم اياق- كيىم كيمەيدى، بوسقا اۋرە بولمايىق. ال ەكىنشى ساراپشى ءالى دە ءۇندىستاندا ەدى. ءبىرشاما ۋاقىتتان كەيىن ودان دا حابار كەلەدى: - جولداستار، ءبىز ساتىلىمدى ءۇش ەسە ارتتىرا الاتىن مۇمكىندىككە يە بولىپ وتىرمىز. مۇندا ەشكىمنىڭ اياق- كيىمى جوق! تاماشا ەمەس پە؟!
Massaget.kz
