قازكوم مەن حالىق بانكتىڭ قوسىلۋ پروتسەسى اياقتالدى
بىرىككەن بانكتىڭ مالىمدەمەسىندە: «قازاقستاننىڭ حالىق بانكى» ا ق جانە «قازكوممەرتسبانك» ا ق 2018 -جىلعى 28 -شىلدەدە 2018 -جىلعى 27 -شىلدەدەگى جاعداي بويىنشا تابىستاۋ اكتىسىنە قول قويدى»، - دەلىنگەن.
اتالعان قۇجات ەكى بانك اراسىنداعى ەرىكتى قايتا ۇيىمداستىرۋ اياسىندا قازكوممەرتسبانكتىڭ بۇكىل قۇقىقتارى مەن مىندەتتەمەلەرىن حالىق بانكىنە بەرۋىن بىلدىرەدى.
«قازاقستاننىڭ حالىق بانكى» ا ق باسقارما ءتوراعاسى ءۇمىت شاياحمەتوۆانىڭ ايتۋىنشا، بۇل پروتسەسس ءبىر جارىم جىلعا سوزىلعان.
«حالىق بانكى مەن قازكوممەرتسبانكتىڭ ءبىرىڭعاي تەحنولوگيالىق پلاتفورماعا ءوتۋى بويىنشا بۇكىل شارالار جوسپارعا ساي اياقتالدى. حالىق بانكىنىڭ جانە قازاقستاننىڭ بۇكىل قارجى جۇيەسىنىڭ تاريحىندا جاڭا كەزەڭ باستالدى»، - دەيدى ول.
حابارلانعانداي، تابىستاۋ اكتىن بەكىتۋ تۋرالى شەشىم 2018 -جىلدىڭ 26 -شىلدەسىندە حالىق بانكى اكسيونەرلەرىنىڭ كەزەكتەن تىس جالپى جينالىسىندا، كازكوممەرتسبانك اكسيونەرلەرىنىڭ كەزەكتەن تىس جالپى جينالىسىندا جانە قازكوممەرتسبانك جانە حالىق بانكى اكسيونەرلەرىنىڭ بىرلەسكەن جالپى جينالىسىندا قابىلداندى.
بۇدان بولەك، حالىق بانكى مەن قازكوممەرتسبانك بارلىق قاجەتتى تەحنولوگيالىق جۇمىستاردى اياقتادى. سونىڭ ناتيجەسىندە قازكوممەرتسبانك پەن حالىق بانكىنىڭ كليەنتتەرىنە ەندى حالىق بانكىنىڭ بارلىق فيليالدارى مەن بولىمشەلەرىندە قىزمەت كورسەتىلەدى. قازكوممەرتسبانكتىڭ ەنشىلەس ۇيىمدارى حالىق بانكىنىڭ ەنشىلەس ۇيىمدارى بولادى.
