اسا جوعارى جىلدامدىقپەن جۇرگەن جۇرگىزۋشىنىڭ كوپىردەن «ۇشقان» ءساتى ۆيدەوعا ءتۇسىپ قالدى

 بۋەنوس-ايرەس. قازاقپارات - ارگەنتينادا 170 ك م/ساع جىلدامدىقپەن كەلىپ كوپىردەن قۇلاعان كولىكتىڭ جۇرگىزۋشىسى ءتىرى قالدى.

ۆيدەوباقىلاۋ كامەراسى تۇسىرگەن وقيعا Youtube-تا قىزۋ تالقىلانىپ جاتىر، دەپ حابارلايدى قازاقپارات ءتىلشىسى.

Todo Noticias باسىلىمىنىڭ جازۋىنشا، 19 جاستاعى جىگىت جەڭىل كولىكتى تىزگىندەي الماي، ەكى قاباتتى كوپىردىڭ شەتىندەگى توسقاۋىلدى بۇزىپ، جەرگە «ۇشىپ تۇسكەن».

حابارلارعا قاراعاندا، بۇعان دەيىن كولىككە جىلدامدىعىن اسىرعانى ءۇشىن التى رەت ايىپپۇل جازىلعان، ال كولىك جىگىتتىڭ وگەي اكەسىنە تيەسىلى.

ابىروي بولعاندا، جاس جىگىت امان قالعان، ءبىراق اۋىر حالدە اۋرۋحاناعا جەتكىزىلگەن. اپات سالدارىنان وزگە ادامداردىڭ دا زارداپ شەككەنى تۋرالى اقپارات جوق.