قىتايدا سوتتالعان اقجارقىن تۇرلىبايدىڭ ادۆوكاتى ونىڭ جاعدايىن ايتىپ بەردى

استانا. قازاقپارات - اقجارقىن تۇرلىبايدىڭ ادۆوكاتى سۇڭقار نۇرماعامبەتوۆ ونىڭ قازىرگى جاعدايىن ايتتى.

«شىلدەنىڭ 17-20 سى ارالىعىندا قىتايدا بولدىم. جۇمىسىم اقجارقىن تۇرلىبايدىڭ ىسىنە قاتىستى. قازىر نە بولىپ جاتىر؟ سوت شەشىمى شىعۋ ساتىسىندا تۇر. سوت (جاڭا قۇرام) كەڭەس بەرۋ بولمەسىنە كەتتى. اقجارقىننىڭ جاعدايى بۇرىنعىداي قاناعاتتانارلىق دەڭگەيدە»، - دەپ جازادى ول.

ايتۋىنشا، ول قازاقستاندىق بورىشكەرلەردىڭ ءىسىن دە قولعا العان.

قىتايلىق ارىپتەستەرىممەن بىرگە جۇمىس ىستەپ جۇرگەن ەكىنشى ماسەلە قىتايداعى قازاقستاندىق بورىشكەرلەرگە قاتىستى قىتاي سوتىنىڭ شەشىمدەرىن ورىنداۋ. ول ءۇشىن كوپتەگەن مەموراندۋمدار، بيزنەس-جوبالار، قالپىنا كەلتىرۋدىڭ زاڭدى الگوريتمدەرى كەرەك. قازاقستاندىق نەسيە بەرۋشىلەرمەن قۋانا ارىپتەستىك ورناتار ەم»، - دەپ جازادى سۇڭقار نۇرماعامبەتوۆ جەلىدە.

جەلى قولدانۋشىلارى اقجارقىن تۇرلىبايدى قولداي وتىرىپ، بوستاندىققا شىعۋىن تىلەدى.

ايتا كەتەيىك، اقجارقىن تۇرلىبايدى 2015 -جىلى ەسىرتكى ساۋداسىنا قاتىستى ءومىر بويىنا سوتتاعان بولاتىن.