قاراعاندى وبلىسىندا ساربازدىڭ قولىندا گراناتا جارىلدى

قاراعاندى. قازاقپارات - قاراعاندى وبلىسىندا ۇلتتىق ۇلان ساربازىنىڭ قولىندا گراناتا جارىلىپ كەتتى، دەپ حابارلايدى «قازاقپارات» ح ا ا ق ر ۇلتتىق ۇلانى «ورتالىق» وڭىرلىك قولباسشىلىعىنىڭ باسپا ءسوز قىزمەتىنە سىلتەمە جاساپ.

زارداپ شەككەن ادام قازىر وبلىستىق مەديتسينالىق ورتالىقتىڭ جانساقتاۋ بولىمىندە جاتىر. بۇل اقپاراتتى وبلىستىق دەنساۋلاق ساقتاۋ باسقارماسى دا راستادى.

«سارباز وبلىستىق مەديتسينالىق ورتالىقتا جاتىر. ونىڭ جاعدايى اۋىر، ءبىراق تۇراقتى. ەسىن بىلەدى، قويىلعان سۇراقتارعا دا جاۋاپ بەرەدى. گراناتا ونىڭ قولىندا جارىلدى. وكىنىشكە وراي وڭ قولىنىڭ الاقانى جۇلىنىپ كەتكەن»، - دەپ حابارلادى قاراعاندى وبلىستىق دەنساۋلىق ساقتاۋ باسقارماسىنىڭ باسپا ءسوز حاتشىسى ايجان يسا.

ۆەدومستۆو وكىلدەرىنىڭ حابارلاۋىنشا، وسى كەزدە ساربازعا بارلىق قاجەتتى مەديتسينالىق كومەكتەر كورسەتىلىپ جاتىر.