جالايىر مۇقالي نەمەسە قۇلپىتاستاعى قۇلىقسىزدىق

استانا. قازاقپارات - 12 - عاسىردا ءومىر سۇرگەن ايگىلى قولباسشى، ابىز مۇقالي ءوز كەزىندە شىڭعىسحاننىڭ باس ساردارى، باس اقىلمانى بولعان. ونىڭ ماڭگى تىنىس تاپقان جەرى بۇگىنگى ق ح ر شانسي ولكەسىنىڭ يۋيلىن قالاسى ماڭىندا.

ال جالايىر رۋى بولسا بۇگىنگى قازاق حالقىن قۇراپ وتىرعان ىرگەلى تايپانىڭ ءبىرى. دەمەك مۇقاليدى «قازاق» دەپ ماقتان تۇتۋىمىزعا تولىق نەگىز بار.

 سودان دا بولار، 2016 -جىلى ءبىر توپ قازاق زيالىلارى قىتايدىڭ يۋيلين قالاسى ماڭىنداعى مۇقاليدىڭ باسىنا ايدىك قۇلپىتاس قويىپتى.

 ءيا، نەسى بار، قۇپتارلىق- اق تىرلىك! تاريققا تاعزىم، ۇرپاققا ونەگە!

 الايدا قۇلپىتاستاعى ءماتىن استە كوڭىل كونشىتەرلىك دەڭگەيدە ەمەس! ءتىپتى «دەڭگەيدى» بىلاي قويىپ، سول الا- شابىر از ءسوزدىڭ قازاقشا (كريلل قارپىندە) نۇسقاسىن دۇرىس جازۋعا بولار ەدى عوي.... ۇيات- اي! وقىپ وتىرىپ بەتىڭمەن جەر باساسىڭ!!!

 نەگىزىندە قويىلعان قۇلپىتاستىڭ كولەمىندە ايتار جوق، كادىمگى ۇيدەي تاس! بيىكتىگى ەكى مەتردەي، كولدەنەڭى ءۇش مەتردەي. ونداي الىپ قۇلپىتاسقا مۇقاليدىڭ ءومىرى مەن تاريحي ەڭبەگىن قازاق، قىتاي، اعىلشىن تىلدەرىندە تولىقتاي قاشاپ جازۋعا بولار ەدى...

 قۇلپىتاستى قويعان ازاماتتار تاستا اتىمىز تۇرۋى كەرەك دەسە، ولاردىڭ اتى- جوندەرى دە تولىعىمەن سىيىپ كەتەر ەدى....

سەنبەسەڭىزدەر قۇلىپتاستاعى قازاقشا جازۋلاردى مۇقيات وقىپ كورىڭىزدەرشى.... وسىنداي دا قۇلىقسىزدىق بولا ما؟!

**

 قىتايدىڭ جەرگىلىكتى اقپاراتتارىنان ءمالىم بولعانىنداي، جاقىندا الماتى وبلىسى اكىمىنىڭ كومەكشىسى رۇستام الپىسبايەۆ دەگەن ازامات باستاعان مادەني- ەكسپەديتسيا ۇيىرمەسى قىتايدىڭ يۋيلين قالاسىندا بولىپتى. قالا اكىمى لي چۋنلين قوناقتارمەن كەزدەسۋ كەزىندە «مۇقاليدىڭ كوپتەگەن ۇرپاقتارى بۇگىندە قازاقستاندا ءومىر سۇرەدى، ال ونىڭ مۇردەسى يۋيليندە جاتىر. دەمەك مۇقالي رۋحى كورشى ەكى ەلدى التىن ارقاۋداي بايلانىستىرىپ جاتىر دەۋگە بولادى.... » دەي كەلىپ، ەكى ەلدىڭ، اسىرەسە الماتى وبلىس مەن يۋيلين قالاسى اراسىنداعى قارىم- قاتىناسىن ودان سايىن نىعايتۋ تۋرالى ويلارىن ورتاعا سالىپتى...

 ەكسپەديتسيا كەزىندە قازاقستاندىق قوناقتار قالا اكىمى ورىنباسارىمەن بىرگە قالا ىرگەسىندەگى سياوتسزي حانسياڭ دەگەن جەرلەگى مۇقاليدىڭ باسىنا بارىپ قايتىپتى.

ر. الپىسبايەۆ: «الماتى وبلىسىنىڭ ورتالىعى تالدىقورعان مەن يۋيلين قالاسىن باۋىرلاس قالا رەتىندە قالىپتاستىرا وتىرىپ، ەكى ەلدىڭ دوستىق، ەكونوميكالىق، مادەني قارىم- قاتىناسىن نىعايتۋ تۋرالى ويلارىمەن ءبولىسىپتى....

سول كەزدە قازاقستاندىق دەلەگاتسيا وكىلدەرى دە مۇقاليدىڭ قۇلپىتاسىنداعى قازاقشا جازۋلاردى وقىعان شىعار- اۋ....

دۇكەن ءماسىمحان ۇلىنىڭ facebook پاراقشاسىنان الىندى