ورالدا ءىرى كولەمدە الاياقتىق جاساعان وزبەكستاندىق ازامات تەرگەلۋدە
ب ق و ىشكى ىستەر دەپارتامەنتىنىڭ باسپا ءسوز قىزمەتىنەن تۇسكەن مالىمەتكە قاراعاندا، 1993 -جىلعى مۋرودۋللو يۋلداشەۆ ورمان اعاشتارىن جەتكىزىپ بەرەمىن دەپ، بىرنەشە تۇرعىندى سان سوقتىرعان.
وزبەكستاندىق ازامات ولاردىڭ 50 مىڭ تەڭگەدەن باستاپ 1,8 ميلليون تەڭگەگە دەيىن اقشاسىن جىمقىرىپ كەتكەن.
اتالعان دەرەك بويىنشا ورال قالالىق ىشكى ىستەر باسقارماسىنىڭ زاچاگان پوليتسيا ءبولىمى تەرگەۋ امالدارىن جۇرگىزۋدە.
ورال قالالىق سوتىنان ءمالىم ەتكەندەي، سۋديا ر. يسمايلوۆا م. يۋلداشەۆقا قاتىستى ق ر ق ك 190-بابى 3-بولىگى 1-تارماعىنا سايكەس («ءىرى كولەمدە جاسالعان الاياقتىق») ەكى ايعا قاماۋعا الۋ تۇرىندەگى بۇلتارتپاۋ شاراسىن سانكسيالادى.
ايتا كەتەيىك، اتالعان باپ بويىنشا قىلمىسى دالەلدەنگەن جاعدايدا م. يۋلداشەۆتىڭ مۇلكى تاركىلەنىپ، ءۇش جىلدان جەتى جىلعا دەيىن باس بوستاندىعىنان ايىرىلۋى مۇمكىن.
