الماتىدا ۇشاقتىڭ جەرگە سوعىلىپ قونۋى: تەكسەرۋ جۇرگىزىلۋدە

الماتى. قازاقپارات - بۇگىن الماتى اۋەجايىندا ۇشاق جەرگە سوعىلىپ قوندى.

بۇل وقيعاعا قاتىستى ق ر ينۆەستيسيالار جانە دامۋ مينيسترلىگىنىڭ ازاماتتىق اۆياتسيا كوميتەتى تۇسىنىكتەمە بەردى، دەپ حابارلايدى قازاقپارات ءتىلشىسى.

«26 -شىلدەدە SCAT Sunday Airlines اۋە كومپانياسىنىڭ حۋرگادا- الماتى باعىتىنداعى 5038 رەيسى ۇشاعىنىڭ قونۋى كەزىندە ارتقى بولىگى جەرگە سوعىلعان. قازىرگى تاڭدا اۋە كومپانياسى شتاتتىق رەجيمدە جۇمىس جاساپ جاتىر. اتالعان وقيعا بويىنشا قۇزىرلى ورگاندار تەكسەرۋ جۇمىستارىن جۇرگىزۋدە»، - دەدى كوميتەتتەن.

ۆەدومستۆونىڭ حابارلاۋىنشا، ۇشاق الماتى اۋەجايىندا جەرگىلىكتى ۋاقىت بويىنشا 22:48-دە ءساتتى قوندى. بورتتا 233 جولاۋشى - 163 ەرەسەك، 70 بالا، 3 نارەستە بولعان.