بۇگىن قازاقستاندىقتار ەڭ ۇزاق ايدىڭ تۇتىلۋىن كورە الادى

استانا. قازاقپارات - بۇگىن تۇندە قازاقستاندىقتار ەڭ ۇزاق ايدىڭ تۇتىلۋىن تاماشالاي الادى، دەپ حابارلايدى قازاقپارات.

شىلدەنىڭ 27 نەن 28 نە قاراعان ءتۇنى قازاقستاندىقتار ەڭ ۇزاق ايدىڭ تۇتىلۋىن تاماشالاي الادى. بۇعان دەيىن قازاقپاراتقا بۇل قۇبىلىس تۋرالى استرولوگ ارمان شتاتبايەۆ ايتىپ بەرگەن ەدى.

«ايدىڭ تۇتىلعانىنا جالاڭ كوزبەن قاراۋدىڭ ەش قاۋىپتىلىگى جوق. الايدا پسيحيكالىق اۋىتقۋشىلىعى بار ادامداردىڭ بۇل قۇبىلىستى تاماشالاۋىنا بولمايدى. مۇنىڭ اسەرىنەن ولاردىڭ مازاسى كەتىپ، كۇيگەلەكتەنىپ، دەپرەسسياعا ۇشىراۋى مۇمكىن. سونداي-اق، بۇل كۇنى ماڭىزدى شەشىم قابالداماعاندارىڭىز دۇرىس. كيكىلجىڭگە جول بەرمەڭىز»، - دەدى استرولوگ ارمان شتاتبايەۆ.

استرولوگتار بۇل قۇبىلىستى «قاندى تۇتىلۋ» دەپ اتايدى. ولاردىڭ ايتۋىنشا، ايدىڭ تۇتىلۋى جەر تۇرعىندارىنىڭ ومىرىنە اسەر ەتۋى مۇمكىن ەكەندىگىن ايتۋدا. سونىمەن قاتار، عالىمدار بۇل قۇبىلىس 15-17 جىلدا ءبىر كەزدەسەدى. ەندىگى تۇسپا-تۇس كەلۋى 2035-جىلى بولادى. مارستى جەردەگى تەلەسكوپپەن كورۋگە مۇمكىندىك تۋادى دەيدى.

سونداي-اق، پەتروپاۆلدا قىزىل تۇسكە بويالعان ايدى تاماشالاۋ ءۇشىن تەلەسكوپ ورناتىلىپ قويدى.