سينوپتيكتەردىڭ جۇما كۇنگە ارنالعان اۋا رايى بولجامى
قازاقستاننىڭ باسىم بولىگىندە انتيتسيكلوندىق ىقپالى ساقتالادى، اتموسفەرالىق اۋا اعىنداردىڭ وتۋىنە بايلانىستى تەك سولتۇستىك، ورتالىق جانە شىعىستارىنىڭ كەي جەرلەرىندە نايزاعايمەن بىرگە جاڭبىر جاۋادى. جەل كۇشەيىپ وڭتۇستىگىندە شاڭدى داۋىل تۇرادى، تۇندە جانە تاڭعى ۋاقىتتاردا سولتۇستىك جانە ورتالىقتا تۇمان كۇتىلەدى، كۇندىز سولتۇستىكتە بۇرشاق جاۋۋى مۇمكىن.
سولتۇستىك قازاقستان وبلىسىندا تۇندە جانە تاڭەرتەڭ كەي جەرلەردە تۇمان، كۇندىز كەي جەرلەردە داۋىل، جەلدىڭ كۇشەيۋى 15-20 م/س جەتەدى، بۇرشاق جاۋۋى مۇمكىن. اقمولا، قاراعاندى وبلىستارىندا تۇندە جانە تاڭەرتەڭ كەي جەرلەردە تۇمان، كۇندىز قاراعاندى وبلىسىنىڭ كەي جەرلەرىندە جەل 15-20 م/س كۇشەيۋى كۇتىلەدى.
جامبىل، تۇركىستان، كۇندىز قىزىلوردا وبلىستارىنىڭ كەي جەرلەرىندە جەل 15-20 م/س شاڭدى داۋىلمەن كۇشەيۋى كۇتىلەدى. شىعىس قازاقستان، قوستاناي وبلىستارىندا كۇندىز كەي جەرلەرىندە جەل 15-20 م/س كۇشەيەدى.
اتىراۋ، باتىس قازاقستان، كەي جەرلەردە اقتوبە، ماڭعىستاۋ، قوستاناي، قاراعاندى وبلىستارىندا قاتتى ىستىق كۇتىلەدى.
قىزىلوردا، تۇركىستان، كەي جەرلەرىندە اقتوبە، اتىراۋ، باتىس قازاقستان، ماڭعىستاۋ، قوستاناي، جامبىل، الماتى وبلىستارىندا جوعارى ءورت قاۋىپى ساقتالادى.
