استانادا كوكونىس ارزاندادى

استانا. قازاقپارات - ەلوردادا كوكونىس ارزاندادى، دەپ حابارلايدى قازاقپارات قالا اكىمدىگىنىڭ سايتىنا سىلتەمە جاساپ.

قالالىق ينۆەستيتسيالار جانە كاسىپكەرلىكتى دامىتۋ باسقارماسىنىڭ قىزمەتكەرلەرى باعا مونيتورينگىن تۇراقتى جۇرگىزەدى.

وتكەن ايمەن سالىستىرعاندا قىرىققاباتتىڭ باعاسى %38، كارتوپ - %14، پياز- %6,3 تومەندەگەن.

«باعا تومەندەۋى نەگىزىنەن بيىلعى ءونىمدى جيناۋعا تىكەلەي بايلانىستى. مىسالى، كارتوپ، پياز جانە قىرىققاباتتىڭ كوتەرمە باعاسى 2 ەسەگە تومەندەدى»، - دەلىنگەن حابارلامادا.

ۆەدومستۆونىڭ اقپاراتى بويىنشا، تۇراقتاندىرۋ قورىنان جىل باسىنان بەرى 300 توننا كارتوپ، 339 توننا قانت، 254 توننا كۇرىش، 260 توننا قاراقۇمىق جۇمسالعان.

بۇدان باسقا، ساراپشىلاردىڭ ويىنشا قالعان پوزيتسيالار بويىنشادا باعالاردىڭ تومەندەۋى ءتيىس.

ماۋسىم ايىنان باستاپ، كەستە بويىنشا ءداستۇرلى اۋىلشارۋاشىلىق جارمەڭكەسى جۇرگىزىلەدى.

ماسەلەن، وسى كەزگە دەيىن تۇركىستان جانە قاراعاندى وبلىستارىنىڭ قاتىسۋىمەن 3 جارمەڭكە وتكىزىلگەن، وندا 900 توننادان استام ءونىم ساتىلعان، ەڭ الدىمەن، ەت جانە ءسۇت ونىمدەرى جانە كوكونىس پەن جەمىس.

4-5- تامىز كۇندەرى جامبىل وبلىسىنىڭ جارمەڭكەسى وتەدى.