قازاقستاندىقتار اقشانى قاي مەملەكەتتەردە ساقتايدى

استانا. قازاقپارات - ق ر قارجى مينيسترلىگى مەملەكەتتىك كىرىستەر كوميتەتى قازاقستاندىقتاردىڭ شەتەلدەگى اكتيۆتەرىنە قاتىستى اقپاراتتى جاريالادى، دەپ حابارلايدى قازاقپارات ءتىلشىسى.

سالىق سالۋ ادىستەمەسى بويىنشا دەپارتامەنت ديرەكتورى قايرات جولمۇحامبەتوۆتىڭ ايتۋىنشا، قازىرگى زاڭناما اياسىندا 240- دەكلاراتسيا قاراستىرىلعان. وعان سايكەس، قازاقستاندىقتار شەتەلدە تاپقان تابىستارى مەن اكتيۆتەرىن كورسەتۋى ءتيىس.

«ماسەلەن، وتكەن جىلى اتالعان دەكلاراتسيانى 68 مىڭنان استام ادام تولتىردى. ولاردىڭ ىشىندە 27 مىڭ ادام اقشانى راسىمدەدى. ونىڭ جالپى سوماسى 820 ميلليارد تەڭگەدەن استى. بۇل اقشا 108 ەلدىڭ بانكتەرىندە جاتىر. نەگىزگى مەملەكەتتەر ول - سينگاپۋر، شۆەيتساريا، ليۆان، وڭتۇستىك كورەيا، رەسەي جانە تاعى باسقالار»، - دەدى ق. جولمۇحامبەتوۆ استانادا وتكەن باسپا ءسوز ءماسليحاتىندا.

ونىڭ ايتۋىنشا، شەتەلدەگى اقشادان بولەك جىلجىمايتىن مۇلىككە قاتىستى دەكلاراتسيالار دا تاپسىرىلدى. قازاقستاندىقتار 69 مەملەكەتتەگى 12 مىڭ جىلجىمايتىن مۇلىكتەرىن راسىمدەدى. اتالعان مۇلىكتىڭ باسىم بولىگى رەسەي، بولگاريا، تۇركيا، يسپانيا، ۇلى بريتانيا، ا ق ش، فرانسيا جانە تاعى باسقا ەلدەرگە تيەسىلى. «وسى ورايدا ايتا كەتكەن ءجون، 240- دەكلاراتسيادا جىلجىمايتىن مۇلىكتىڭ سوماسىن كورسەتۋ مىندەتى جوق. سوندىقتان ناقتى سومانى ايتا المايمىن»، - دەپ اتاپ كورسەتتى ق. جولمۇحامبەتوۆ.

اۆتور: ارمان اسقاروۆ