بيىلعى جارتى جىلدا قازاقستاندىقتارعا ۇناعان كولىكتەر
بۇل تۋرالى «قاز اۆتو ونەركاسىپ» اۆتوكولىك سالاسىنداعى كاسىپورىندار وداعى ءمالىم ەتتى، دەپ حابارلايدى قازاقپارات.
«ەسەپتى كەزەڭدە قازاقستاندا شىعارىلعان كولىكتەردىڭ جالپى قۇنى 88,3 ميلليارد تەڭگەگە باعالانىپ وتىر. جالپى، جەڭىل اۆتوموبيلدەردى ءوندىرۋ 76,4 پايىزعا ءوسىپ، 13725 كە جەتتى. ونىڭ ىشىندە 8573 ءى «ازيا اۆتو» ا ق- عا، ال 5152 ءسى «سارىارقا اۆتوپروم» ج ش س- عا تيەسىلى»، - دەلىنگەن تاراتىلعان مالىمەتتە.
بيىلعى 6 ايدىڭ قورىتىندىسى بويىنشا اۆتوبۋس تەحنيكاسىن شىعارۋ ەكى ەسەگە قىسقارسا، جۇك كولىكتەرىن ءوندىرۋ بىلتىرعى دەڭگەيدە ساقتالدى.
جارتى جىلدا وتاندىق اۆتوزاۋىتتار وتكىزگەن كولىكتەر 12851 گە جەتىپ، بۇل كورسەتكىش بىلتىرعى دەڭگەيدەن 66,3 پايىزعا ارتىق بولدى.
بەلگىلى بولعانداي، جەرگىلىكتى ءوندىرىستىڭ اۆتوكولىكتەرىن ساتىپ الۋعا ەل تۇرعىندارى 71,3 ميلليارد تەڭگە جۇمسادى. بۇل ءوز كەزەگىندە ءبىر جىل بۇرىنعى كورسەتكىشتەن 38 پايىزعا جوعارى.
اتالعاني مەرزىمدە 2269 اۆتوموبيلدى جەڭىلدىكتى اۆتونەسيەلەۋ مەملەكەتتىك باعدارلاماسىنىڭ قاتىسۋشىلارى ساتىپ الدى.
