اقشانىڭ شىعارماشىلىق ادامداردىڭ ميىنا اسەر ەتپەيتىنى بەلگىلى بولدى
ال، سۋرەتشىلەر ءتىپتى فيزيولوگيالىق تۇردە اقشانى ەلەۋدەن قالعان. بۇل ماسەلە بويىنشا گەرمانيادا زەرتتەۋ جۇرگىزگەن عالىمدار شىعارماشىلىق ادامداردىڭ ميى اقشانى بەلسەندى قابىلدامايدى دەگەن تۇجىرىمعا كەلدى.
بۇل تۋرالى cameralabs.org حابارلادى، دەپ جازادى Stan.kz اقپاراتتىق اگەنتتىگى.
زەرتتەۋ توبىن گەتتينگەن ۋنيۆەرسيتەتىنىڭ مەديتسينالىق ورتالىعىنىڭ پسيحياتريالىق زەرتحاناسىندا نەيروبيولوگيا جانە بەينەلەۋ ءبولىمىنىڭ مەڭگەرۋشىسى بولىپ ىستەيتىن دوكتور روبەرتو گويا- مالدونادو باسقاردى. عالىمدار شىعارماشىلىق تۇلعالار مەن ونەرگە قاتىسى جوق ادامدار توبىنا باقىلاۋ جۇرگىزدى. ولار، زەرتتەۋگە قاتىسۋشىلاردىڭ ميىنىڭ بەلسەندىلىگىن تەكسەرىپ، اقشانى قالاي قابىلدايتىن انىقتادى.
تاجىريبەگە جيىرما ءتورت ادام قاتىستى، ولاردىڭ ون ەكىسى ونەر سالاسىندا جۇمىس ىستەيتىن اكتەر، سۋرەتشى، ءمۇسىنشى، مۋزىكانت، فوتوگرافتار. ال، ەكىنشى توپتا ساقتاندىرۋ اگەنتى، ءتىس دارىگەرى، بيزنەس- ادمينيستراتور، ينجەنەر جانە باسقا دا شىعارماشىلىق ەمەس كاسىپتىڭ وكىلدەرى بولدى.
ءاربىر قاتىسۋشى ءتۇرلى- ءتۇستى ءبىرقاتار ۇياشىقتاردى كورسەتكەن كوزىلدىرىكتەر جيىنتىعىن كيدى. جاسىل ۇياشىق پايدا بولعان كەزدە، ولار تۇيمە باسۋ ارقىلى تاڭداۋ جاساپ، 30 دوللارعا دەيىن اقشالاي سىياقى الادى. سونداي- اق ولارعا باسقا تۇستەردى تاڭداۋ ۇسىنىلدى، ءبىراق ول ۇياشىقتاردا اقشالاي سىياقى بەرىلمەيدى.
زەرتتەۋشىلەر سىناقتان ءوتىپ جاتقاندا، عالىمدار فۋنكتسيونالدى ماگنيتتىك- رەزونانستى توموگرافينىڭ كومەگىمەن ميدىڭ قىزمەتىن زەرتتەدى. ناتيجەسىندە، شىعارماشىلىق ادامداردىڭ ميىنىڭ اقشانى بەلسەندى قابىلدامايتىنى انىقتالدى.
ەكىنشى سىناقتا زەرتتەۋشىلەر جاسىل ۇياشىقتى تاڭداماۋدى ۇسىنعاندا، شىعارماشىلىق ادامداردىڭ ميىنىڭ باسقا بولىگىندە دوپامينمەن بايلانىستى بەلسەندىلىك كورسەتتى. ياعني، شىعارماشىلىق ادامداردىڭ ميى ماتەريالدى ناتيجەگە ەمەس، ونىڭ ورىندالۋىنا نازار اۋدارادى جانە ولاردىڭ ميى بۇل ءۇشىن ەشتەڭە تولەنبەيتىنىن بىلگەن كەزدە الدەقايدا جاقسى جۇمىس ىستەيدى.
