اتىراۋدا ۆوكزالدا «جاسىرىن ساتىپ الۋشىلار» نەنى انىقتادى
جولسەرىكتەردىڭ ورىن ساتۋ فاكتىلەرى مەن دەلدالداردى انىقتاۋ ءۇشىن «جاسىرىن ساتىپ الۋشى» ءادىسى قولدانىلدى. «اتىراۋ - ماڭعىشلاق»، «اقتوبە - ماڭعىشلاق»، «اتىراۋ - الماتى» باعىتتارى بويىنشا كاسسالاردا بيلەت قالماسا دا، پويىزداردا بوس ورىندار بولعان. جولاۋشىلار جولسەرىكتەرمەن كەلىسۋگە ءماجبۇر بولعان.
وسىلايشا، «جاسىرىن ساتىپ الۋشى» «اتىراۋ - الماتى» پويىزىنا شىمكەنتكە دەيىن جەتىپ الۋ ءۇشىن 20 مىڭ تەڭگەگە بيلەتسىز جول ءجۇرۋ تۋرالى كەلىسكەن. ال، بيلەتتىڭ قۇنى 10350 تەڭگە بولعان. بۇل تاجىريبە باسقا دا باعىتتاردا قولدانىلىپ جاتىر. تاعى ءبىر «جاسىرىن ساتىپ الۋشى» «اقتوبە - ماڭعىشلاق» پويىزىنا قۇلسارى ستانساسىنان ماڭعىشلاق ستانساسىنا دەيىن بيلەتسىز جەتىپ الۋ ءۇشىن 5 مىڭ تەڭگەگە كەلىسكەن. ءبىراق، بيلەتتىڭ قۇنى 3 مىڭ تەڭگەنى قۇراعان.
اتىراۋ وبلىسى بويىنشا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى دەپارتامەنتىنىڭ باسپا ءسوز قىزمەتى حابارلاعانداي، وسى جاعداي جەمقورلىق قاۋپىن انىقتاپ، جولاۋشىلار مەن جولسەرىكتەر ءۇشىن قولايسىز جاعداي تۋىنداتىپ وتىر.
سونىڭ سالدارىنان جولاۋشىلار پويىزدا بيلەتسىز جول ءجۇرىپ، جولسەرىكتەر زاڭسىز اقشا الۋدا.
