قىلمىستىلىق دەڭگەيى تومەندەدى
«سوڭعى بەس جىلدا قازاقستاندا قىلمىستىلىق دەڭگەيى تومەندەۋ ءۇردىسىن كورسەتىپ كەلەدى. بۇل اۋىر جانە اسا اۋىر قىلمىستارعا دا قاتىستى. سونىمەن قاتار، وتكەن جىلى العاش رەت ۇرلىق سەكىلدى كەڭىنەن تاراعان قىلمىستىڭ ءتۇرى بويىنشا فاكتىلەر ازايدى»، - دەدى ول استانادا وتكەن باسپا ءسوز ءماسليحاتىندا.
وسى ورايدا راشيد جاقىپوۆ ەلىمىزدىڭ وڭىرلەرىندە جەرگىلىكتى بيلىك ورگاندارى قۇقىق قورعاۋ ورگاندارىمەن بىرلەسە الدىن الۋ شارالارىن قابىلداپ جاتقانىن جەتكىزدى.
«قالالار مەن كوشەلەر بەينەباقىلاۋ كامەرالارىمەن، تۇرعىن ءۇي كەشەندەرى دە وسىنداي جۇيەلەرمەن جابدىقتالۋدا. كوڭىل كوتەرەتىن ورىندارعا قاتىستى باقىلاۋدى كۇشەيتۋدەمىز. بۇل باعىتتاعى جۇمىستار ءوزىنىڭ ناتيجەسىن بەرىپ كەلەدى. جالپى، قىلمىستىلىق دەڭگەيى ازايۋدا. سوڭعى جىلدارداعى ستاتيستيكاعا قاراساق، بۇل كورسەتكىشتەردى كورۋگە بولادى. بۇگىندە ءاربىر ءىس بويىنشا سوتقا دەيىنگى تەرگەۋ باستالادى. ونىڭ ماقساتى - جانجالدىڭ ءمان- جايىن زەرتتەپ، ايىپتىلاردى انىقتاۋ»، - دەدى ءمينيستردىڭ ورىنباسارى.
ونىڭ پايىمىنشا، قىلمىستىلىقتى جالعىز پوليتسيانىڭ كۇش- جىگەرىمەن جويۋ مۇمكىن ەمەس.
«مەنىڭ ويىمشا، قوعام مەن قۇقىق قورعاۋ ورگاندارى شىنىمەن دە بىرىگىپ جۇمىس ىستەسە، وندا قىلمىستىلىقپەن كۇرەستە ەلەۋلى ىلگەرىلەۋشىلىك جاسايمىز»، - دەپ ءتۇيدى ول.
ايتا كەتەيىك، راشيد جاقىپوۆ باسپا ءسوز ءماسليحاتىندا دەنيس تەننىڭ ولىمىنە قاتىستى تاراعان قاۋەسەتتەرگە جاۋاپ بەردى.
