دەنيس تەنگە كىمنىڭ پىشاق سالعانى انىقتالدى

الماتى. قازاقپارات - كۇدىكتىلەردىڭ ءبىرى دەنيس تەنگە سۇققان پىشاعىن جاسىرعان جەردى كورسەتتى. بۇل تۋرالى قالالىق ءى ءى د باسپا ءسوز قىزمەتى ءمالىم ەتتى، دەپ حابارلايدى قازاقپارات ءتىلشىسى.

قازىر قالالىق ءى ءى د تەرگەۋ باسقارماسى ق ر ق ك 99-بابىنىڭ 2-بولىمىمەن سوتقا دەيىنگى تەرگەۋ ءىسىن جۇرگىزىپ جاتىر. كۇدىكتىلەر قياسوۆ پەن قۇدايبەرگەنوۆ ءوز قىلمىستارىن تولىق مويىندادى.

«كۇدىكتى قۇدايبەرگەنوۆ ارمان تەكسەرۋ كەزىندە سۋىق قارۋ جاسىرىنعان جەردى كورسەتتى. پىشاق قىلمىستىق ءىس ماتەريالدارىنا قوسىلدى. اتالعان ءىس بويىنشا ءبىرقاتار ساراپتاما: مولەكۋليارلى-گەنەتيكالىق، قارۋدىڭ مەديكو-كرميناليستيكالىق، مەديكو-بيولوگيالىق ساراپتاماسى، سوت مەديتسينالىق ساراپتاما تاعايىندالدى.

بەتپە-بەت كەزدەسۋ بارىسىندا قياسوۆ نۇرالى دەنيس تەنگە پىشاق سالعانىن مويىندادى.

سونىمەن قاتار، اتالعان وقيعانى كوزىمەن كورگەن ادامدار دا تابىلدى.

ايتا كەتسەك، قازاقستاندىق مانەرلەپ سىرعاناۋشى دەنيس تەن 19- شىلدە كۇنى پىشاق جاراقاتىنان قازا بولعان ەدى. وقيعا قۇرمانعازى بايسەيىتوۆا كوشەلەرىنىڭ قيىلىسىندا 19- شىلدەدە تۇسكى ساعات 15:00 شاماسىندا بولعان. سپورتشى كولىگىنىڭ ايناسىن ۇرلاماق بولعان ەكى ادامنىڭ ۇستىنەن تۇسكەن. ارادا باستالعان جانجالدىڭ سالدارىنان ۇرىلار دەنيس تەنگە پىشاق سۇعىپ العان. ول وڭ جاق سانىنىڭ جوعارعى تۇسىنا جاراقات الدى. 25 جاستاعى تەن ءۇش ليتر قان جوعالتىپ، اۋرۋحاناعا وتە اۋىر جاعدايدا جەتكىزىلدى. ءبىراق الماتى قالالىق دەنساۋلىق ساقتاۋ باسقارماسىنىڭ باسشىسى سەرىكبول مۋسينوۆ قوسىمشا قان قاجەت ەمەستىگىن جانە رەسۋرستار جەتكىلىكتى ەكەندىگىن ءمالىم ەتكەن بولاتىن.

2,5 ساعاتقا جالعاسقان رەانيماتسيالىق شارالارعا قاراماستان، اۋرۋحانا دارىگەرلەرى ونىڭ ومىرىنە اراشا تۇسە المادى. ساعات 17.30 دا وليمپيادا جۇلدەگەرى قايتىس بولدى.

ادام ءولتىرۋ بابىمەن قىلمىستىق ءىس قوزعالدى.