18:05, 20 - شىلدە 2018 | GMT +6
كورەيا ەلشىسى دەنيس تەن قازاسى تۋرالى: قازىرگى كۇيىمىزدى سوزبەن ايتىپ جەتكىزۋ قيىن
استانا. قازاقپارات - كورەيانىڭ قازاقستان رەسپۋبليكاسىنداعى ەلشىسى كيم دە سيك تانىمال قازاقستاندىق مانەرلەپ سىرعاناۋشى دەنيس تەننىڭ جاقىندارى مەن تۋىستارىنا كوڭىل ايتتى، دەپ حابارلايدى قازاقپارات ءتىلشىسى.
«دارىندى سپورتشى دەنيس تەننىڭ مەزگىلسىز قايتىس بولۋى تۋرالى سۋىت حابار كورەياداعى قازاقستان ەلشىلىگىنىڭ قىزمەتكەرلەرىن ەسەڭگىرەتتى. ءبىزدىڭ قازىرگى كۇيىمىزدى سوزبەن ايتىپ جەتكىزۋ قيىن. تالانتتى ءارى اقجارقىن ادام بولعان، ەلدەن كومەگىن اياماعان دەنيس تەننىڭ جاقىندارى مەن تۋىستارىنا كوڭىل ايتامىز»، - دەپ جازدى ەلشى تەلەگرام جەلىسىندە.
ديپلومات قازاقستان ءۇشىن عانا ەمەس، قازاقستانداعى كورەيلەر ءۇشىن دە دەنيس تەننىڭ ورنى ويسىراپ تۇرعانىن جازدى.
«دەنيستىڭ تاريحي وتانىنداعى حالىق تا قايعىرىپ وتىر. دەنيس تەن - جاپون وتارلاۋشىلارىنا قارسى كۇرەسكەن گەنەرال مين گىن حونىڭ ۇرپاعى ەدى. حالىقتىڭ سۇيىكتى ۇلىنىڭ قازا تابۋىنا بايلانىستى كورەيا رەسپۋبليكاسىنىڭ حالقى مەن ۇكىمەتى اتىنان كوڭىل ايتامىز»، - دەپ جازدى ول.
فوتو: 24.kz