بۇگىن ەل اۋماعىنىڭ باسىم بولىگىندە اۋا رايى قۇبىلمالى بولادى

استانا. قازاقپارات - اتموسفەرالىق اعىنداردىڭ وتۋىنە بايلانىستى قازاقستاننىڭ باسىم بولىگىندە تۇراقسىز اۋا رايى ساقتالادى، دەپ حابارلايدى قازگيدرومەت.

كەي جەرلەردە جاڭبىر جاۋىپ، نايزاعاي وينايدى، بۇرشاق جاۋۋى ىقتيمال، تەك وڭتۇستىكتە جانە سولتۇستىكتە اۋا رايى جاۋىن-شاشىنسىز بولادى. رەسپۋبليكا بويىنشا كەي جەرلەردە جەل كۇشەيىپ، شاڭدى داۋىل سوعادى، سولتۇستىكتە تۇندە جانە تاڭەرتەڭ تۇمان ءتۇسۋى ىقتيمال.

جامبىل، تۇركىستان، كۇندىز قىزىلوردا وبلىستارىنىڭ كەي جەرلەرىندە جەلدىڭ 15-20 م/س كۇشەيۋى كۇتىلۋدە.

اقمولا، سولتۇستىك قازاقستان، قاراعاندى وبلىستارىنىڭ كەي جەرلەرىندە تۇندە جانە تاڭەرتەڭ - تۇمان، كۇندىز قاراعاندى وبلىسىنىڭ كەي جەرلەرىندە جەلدىڭ جىلدامدىعى 18 م/س جەتەدى.

شىعىس قازاقستان وبلىسىنىڭ كەي جەرلەرىندە جەل 15-20 م/س، كۇندىز بۇرشاق جاۋۋى ىقتيمال.

ماڭعىستاۋ، تۇندە باتىس قازاقستان، اقتوبە، كۇندىز قوستاناي وبلىستارىنىڭ كەي جەرلەرىندە جەلدىڭ 15-20 م/س كۇشەيۋى كۇتىلەدى.

جامبىل، قىزىلوردا، ماڭعىستاۋ، اتىراۋ، باتىس قازاقستان وبلىستارىنىڭ باسىم بولىگىندە، تۇركىستان، قوستاناي، قاراعاندى وبلىستارىنىڭ كەي جەرلەرىندە قاتتى ىستىق ساقتالادى. ماڭعىستاۋ وبلىسىندا، قىزىلوردا، تۇركىستان، اتىراۋ وبلىستارىنىڭ باسىم بولىگىندە، باتىس قازاقستان، ، اقتوبە، جامبىل وبلىستارىنىڭ كەي جەرلەرىندە وتە جوعارى ءورت قاۋپى بار.