بۇرشاق، جەل، قاتتى ىستىق - جۇماعا ارنالعان اۋا رايى بولجامى

اتموسفەرالىق اۋا اعىنداردىڭ وتۋىنە بايلانىستى رەسپۋبليكا بويىنشا كەي جەرلەردە نايزاعايمەن بىرگە جاڭبىر جاۋادى، بۇرشاق بولۋى مۇمكىن، تەك رەسپۋبليكانىڭ وڭتۇستىك-باتىسىندا جانە وڭتۇستىگىندە اۋا رايى جاۋىن-شاشىنسىز بولادى. رەسپۋبليكانىڭ كەي ايماقتارىندا جەل كۇشەيىپ، سولتۇستىكتە جانە ورتالىقتا تۇندە تۇمان تۇسەدى.

سولتۇستىك قازاقستان، قوستاناي، شىعىس قازاقستان، پاۆلودار، اقمولا وبلىستارىندا كۇندىز بۇرشاق جاۋۋى مۇمكىن، جەلدىڭ جىلدامدىعى 15-20 م/س بولادى، قوستاناي وبلىسىندا كەي جەرلەردە تۇمان بولادى.

تاڭەرتەڭ جانە كۇندىز قىزىلوردا وبلىسىندا كەي جەرلەردە جەل 15-20 م/س جەتىپ، شاڭدى داۋىل تۇرادى. ماڭعىستاۋ وبلىسىندا كۇندىز كەي جەرلەردە جەلدىڭ كۇشى 15م/س، بۇرشاق جاۋۋى مۇمكىن.

قىزىلوردا، اتىراۋ وبلىستارىنىڭ باسىم بولىگىندە، ماڭعىستاۋ وبلىسىنىڭ كەي جەرلەرىندە، اقتوبە، قاراعاندى، باتىس قازاقستان، شىعىس قازاقستان، الماتى، جامبىل، وڭتۇستىك قازاقستان وبلىستارىندا قاتتى ىستىق بولادى.