ەكولوگيالىق قاۋىپسىز دەلىنگەن جوبالاردان دا جانۋارلار قىرىلىپ جاتىر

 استانا. قازاقپارات - جاڭعىرتپالى ەنەگريا كوزدەرى قورشاعان ورتاعا زيان كەلتىرمەيدى دەگەن تۇسىنىك ءوز ءمانىن جويا باستادى.

دەسە دە اۋانى، سۋدى لاستاپ وتىرعان ەنەرگيا كوزدەرىنە قاراعاندا، البەتتە، جاڭعىرتپالى ەنەرگيا كوزدەرىنىڭ قورشاعان ورتاعا تيگىزەر زالالى ازداۋ. ماسەلەن، قورشاعان ورتا مەن ەكولوگياعا بارىنشا قاۋىپسىز ەنەرگيا كوزدەرىنە كوشىپ جاتقان سكانديناۆيالىق ەلدەر، سونىڭ ىشىندە، شۆەتسيا جەل ەنەرگياسىن بەلسەندى پايدالانا باستادى.

الايدا، جەلدەن ەنەرگيا وندىرەتىن گەنەراتورلار جەمىن تۇندە اۋلايتىن جارقاناتتاردىڭ قىرىلۋىنا سەبەپ بولىپ وتىر. وسىعان بايلانىستى شۆەدتەردىڭ ەنەرگەتيكالىق جانە تابيعاتتى قورعاۋمەن اينالىساتىن مەملەكەتتىك اگەنتتىكتەر وچسى باعىتتا ارنايى زەرتتەۋ جۇرگىزىپ كورگەن ەكەن. ناتيجەسى ماماندار مەن ەكولوگتاردى الاڭداتىپ وتىر: گەنەراتورداعى ءاربىر «پروپەللەر» كۇنىنە ورتا ەسەپپەن العاندا 10-15 جارقاناتتىڭ ولىمىنە سەبەپ بولادى ەكەن. ادەتتە جارقاناتتار مۇنشالىقتى كوپ قىرىلماس پا ەدى، ەگەر قورەگى بولىپ تابىلاتىن جاندىكتەر اينالىپ تۇراتىن گەنەراتور «قاناتىنا» ءۇيىر بولماعاندا.

وسى زەرتتەۋگە قاتىسقان لۋندا ۋنيۆەرسيتەتىنىڭ ورنيتولوگى مارتين گرەن (Martin Green) «جەل ديىرمەننەن» جارقاناتتاردىڭ دا تۇقىمى قۇرىپ كەتۋى مۇمكىن ەكەنىن ەسكەرتىپ وتىر. قازىرگى ۋاقىتتا اتالعان ەل اۋماعىندا، دالىرەگى، قۇرلىقتا جۇمىس ىستەپ تۇرعان 3378 «جەل ديىرمەن» جارقاناتتارعا قاۋىپ توندىرۋدە. جاڭعىرتپالى ەنەرگيا كوزدەرىن كوپتەپ ءوندىرۋ ءۇشىن ولاردىڭ سانى دا الداعى ۋاقىتتا ارتاتىن بولادى. بۇل ءوز كەزەگىندە جارقاناتتاردىڭ قىرىلۋىنا سەبەپ بولماق.

بۇل تىعىرىقتان شىعۋ ءۇشىن «جەل ديىرمەندەردىڭ» جۇمىسىن تۇندە توقتاتۋ تۋراسىندا ۇسىنىستار ايتىلىپ جاتىر. ياعني، تۇندە ونداي قۇرىلعىلاردىڭ جۇمىس ىستەۋىنە جەرگىلىكتى بيلىك ارنايى رۇقساتى بەرىلەتىندەي جۇيە ەنگىزىلۋى مۇمكىن. ونىڭ وزىندە دە جەلسىز تۇندەردە عانا توقتاتۋى مۇمكىن. بۇدان ەنەرگيامەن قامتاماسىز ەتۋ كورسەتكىشى كەمىپ قالمايدى - 1 پايىزدان تومەن.