قازاقستان كاسىپقوي بوكس فەدەراتسياسىنىڭ پرەزيدەنتى شۇمەنوۆتىڭ مالىمدەمەسىنە تاڭداندى
«شىنى كەرەك، شۇمەنوۆتىڭ بۇل سوزىنە تاڭ- تاماشا بولدىم. ءيا، جەكپە- جەك الدىندا ولار بىزگە كەلىپ، كومەك كورسەتۋىمىزدى سۇرادى. ءبىز سۇراعان كومەگىن بەردىك. ءبىراق بۇل سول شارانى ءوز قاراجاتىمىزعا ۇيىمداستىرۋىمىز كەرەكتىگىن بىلدىرمەيدى. مەنىڭ بىلۋىمشە، بەيبىتتىڭ قارجىسى بار، ال بىزدە ونىڭ جوبالارىن قارجىلاندىرۋ مىندەتىن موينىنا الاتىن دەمەۋشىلەر جوق. بۇل ونىڭ تاۋەكەلدەرى، ونىڭ ەسەپتەرى، ونىڭ تابىستارى» ، - دەيدى ەرلان بەكحوجين.
بۇعان دەيىن شۇمەنوۆ قازاقستاندا كاسىپقوي بوكس ليتسەنزياسىن الۋ ءۇشىن ا ق ش- تاعىدان ءتورت ەسە كوپ اقشا - 100 دوللار تولەۋ قاجەتتىگىن سىناعان بولاتىن.
«ءبىزدىڭ ەلىمىزدە ليتسەنزيالىق الىم وسىلاي بەكىتىلگەن. ماسەلەن، رەسەيدە ول ودان دا كوپ - 200 دوللار. قازاقستانداعى كاسىپقوي بوكستىڭ ينفراقۇرىلىمى، وكىنىشكە قاراي، ا ق ش- تاعى سياقتى ەمەس» ، - دەيدى ەرلان بەكحوجين.
فەدەراتسيا پرەزيدەنتى شۇمەنوۆتىڭ سىني مالىمدەمەسى قىزۋلىقپەن جاسالعاندىعىن ايتتى.
«مەنىڭشە، وعان اقپاراتتى بۇرىس جەتكىزگەن. سوندىقتان ول مۇنىڭ ءبارىن قىزۋلىقپەن ايتقان» ، - دەيدى بەكحوجين.
جۋىردا استانادا وتكەن بوكس كەشىندە تۇركيالىق حيزني التۋنكايانى جەڭىپ، ءبىرىنشى اۋىر سالماقتا WBA بەلدىگىن يەلەندى.
ال جەكپە- جەك الدىندا ونى ۇيىمداستىرۋداعى قارجىلىق قيىندىقتاردى ايتىپ، ءوز قارجىسىنان 500 مىڭ دوللاردان استام قاراجات جۇمساۋعا تۋرا كەلگەنىن مالىمدەگەن ەدى.
بوكسشىنىڭ وسى مالىمدەمەسىنە قاتىستى العاشقى قازاقستاندىق پروموۋتەرلەردىڭ ءبىرى مارات مازىمبايەۆ تا پىكىر بىلدىرگەن بولاتىن.
