قازاقستانداعى ەڭبەكاقى ءوسىمى قالىپتى

 استانا. قازاقپارات - قازاقستاندا ەڭبەكاقى قالىپتى قارقىنمەن وسۋدە. بۇل تۋرالى بۇگىن ۇكىمەت وتىرىسىندا قاڭتار- ماۋسىمداعى ەلىمىزدىڭ الەۋمەتتىك- ەكونوميكالىق دامۋ قورىتىندىلارى جايىندا بايانداعان ق ر ۇلتتىق ەكونوميكا ءمينيسترى تيمۋر سۇلەيمەنوۆ ايتتى، دەپ حابارلايدى قازاقپارات ءتىلشىسى.

ءمينيستردىڭ دەرەگىنشە، جوعارى وندىرىستىك بەلسەندىلىك ەڭبەك نارىعىنىڭ كورسەتكىشتەرىنە وڭ اسەر ەتتى. اعىمداعى جىلدىڭ باسىنان بەرى 178,7 مىڭ ادام جۇمىسقا ورنالاستىرىلدى. اعىمداعى جىلعى مامىردا جۇمىسسىزدىق دەڭگەيى وزگەرىسسىز قالدى جانە 4,9 پايىزدى قۇرادى.

«ەڭبەكاقى قالىپتى قارقىنمەن وسۋدە. اعىمداعى جىلعى قاڭتار- مامىردا ورتاشا ايلىق ەڭبەكاقى 152,8 مىڭ تەڭگەنى قۇرادى جانە ناقتى مانىندە 0,8 پايىزعا ءوستى. اعىمداعى جىلدىڭ قاڭتار- ساۋىرىندە ناقتى اقشالاي كىرىستەر 1,2 ارتتى ءوستى» ، - دەدى تيمۋر سۇلەيمەنوۆ.