عالىمدار قازاقستاننىڭ ۇستىنەن ۇشىپ جۇرگەن بەيمالىم نىسانداردى باقىلاۋعا الماق
«ءبىزدىڭ جۇمىسىمىزدا ەڭ پايدالى باعىتتاردىڭ ءبىرى - بەلگىسىز سپۋتنيكەردى باقىلاۋعا الۋ. ءبىز ونداي تۇسىنىكسىز نىسانداردى ءجيى كورەمىز. ول قاي ەلدەن، نە ماقساتپەن كەلگەنىن بىلمەيمىز. قازىر انىقتاۋ تاسىلىمەن زەرتتەۋ جۇمىستارى جۇرگىزىلىپ جاتىر. بۇل اسىرەسە اسكەريلەر ءۇشىن وتە قىزىقتى تاقىرىپ»، - دەدى «فەسەنكوۆ اتىنداعى استروفيزيكالىق ينستيتۋت» ديرەكتورى اسىلحان بيبوسىنوۆ.
«يونوسفەرا ينستيتۋتى» ا ق قىزمەتكەرلەرى قازاقستانىڭ ايەروعارىشتىق سالاسىن زەرتتەۋ جۇمىستارىنا «وربيتا» راديو پوليگونىن پايدالانۋدى ۇسىندى.
ولاردىڭ ايتۋىنشا، وربيتا پوليگونىندا وتاندىق سپۋتنيكتەردىڭ قوزعالىسىن زەرتتەپ، عارىشتىق اۋا رايىنا بولجام جاساۋعا بولادى.
قازىر پوليگونداعى اقپاراتتى قازگيدرومەت پەن روس كوسموس ۇيىمى پايدالانىپ وتىر.
«استروفيزيكا ينستيتۋتى» ا ق باس عىلىمي قىزمەتكەرى الەكساندر سەرەبريانسكيي الەمدە قازىر بارلىق ەل ءوز گەوستاتسيونارلىق سپۋتنيكتەرىن ۇشىرا باستاعانىن ايتتى.
«بۇل قىم- قۋىت ساتتەگى ءال- فارابي داڭعىلىنداعى قوزعالىسقا ۇقسايدى. تەك ايىرماشىلىعى ولار 40 مىڭ شاقىرىمنان باسقارىلادى. ءبىز ولاردىڭ وربيتاسىنا، باسقا سپۋتنيكتەردىڭ جاقىنداماۋىن قاداعالاپ وتىرامىز. ولار جاقىنداعان جاعدايدا رەسپۋبليكالىق عارىشتىق بايلانىس ورتالىعىنا حابارلايمىز. ولار ءبىزدىڭ سپۋتنيكتىڭ ءسال باعىتىن وزگەرتىپ، نەمەسە توقتاتا تۇرادى. سول ۋاقىتتا ەكىنشىسى ءوتىپ كەتەدى»، - دەدى ا. سەرەبرياكوۆ.
قازىر قازاقستاندا ديامەترى 1 مەتر بولاتىن ايناسى بار ەكى تەلەسكوپ جۇمىس ىستەپ تۇر. ولاردىڭ ءبىرى اسسى- تۇرگەن وبسەرۆاتورياسىندا بولسا، ەكىنشىسى تيان- شان استرونوميالىق وبسەرۆاتورياسىندا ورنالاسقان. بۇل نىساندارعا بارۋ ءۇشىن تۋريستەردە مەديتسينالىق ساقتاندىرۋ پوليسى بولۋى شارت. سەبەبى، مۇندا اپاراتىن جول وتە قاۋىپتى.
اۆتور: گۇلميرا عوسمانالي
