ايدى ءوز اتىنا تىركەگەن قورعاۋشى
چيليلىك قورعاۋشى حەنارو گاحاردو ۆەرا «تالكا» جىلجىمايتىن مۇلىك اگەنتتىگىندە ايدى ءوز اتىنا رەسمي تۇردە تىركەپ الادى. وقيعا بىلاي بولعان... گاحوردونىڭ قىزىعۋشىلىعى جان- جاقتى، ءبىر سوزبەن ايتقاندا ءسال قياليلاۋ ادام بولدى. ول عالامشارارالىق تەلەسكوپ بىرلەستىگىن قۇرۋعا كوپ كۇش جۇمساعان. بىرلەستىكتىڭ نەگىزگى مىندەتتەرىنىڭ ءبىرى وزگە عالامشاردان كەلەتىن قوناقتاردى كۇتىپ الاتىن توپ قۇرۋ بولاتىن. سول سەبەپتى دە قالا تۇرعىندارى «تالكا» كلۋبىن قۇرىپ، وعان مۇشە بولعىسى كەلگەن ادامداردىڭ جۇمىسى جاقسى، الەۋمەتتىك جاعدايى ءتاۋىر جانە جىلجىمايتىن مۇلىككە يە بولۋىن تالاپ ەتتى.
ءبىر كۇنى حەنارونىڭ باسىندا قىزىق يدەيا پايدا بولدى. ول ايدى ءوز اتىنا تىركەۋگە نيەت ەتتى. 1954 -جىلى 25 - قىركۇيەكتە بۇل ويىن «تالكا» نوتاريۋسىنا ايتادى. ءوز نيەتىنە جەتۋ ءۇشىن گاحاردو ۆەرا 42 مىڭ پەسو تولەيدى جانە بۇعان «تالكا» كلۋبى مۇشەلەرى دە قارسىلىق بىلدىرمەيدى. وسىلاي ول الەمدەگى بارلىق ب ا ق وكىلدەرىن شۋلاتتى. وسىدان سوڭ حاباردى سالىق كوميتەتى دە ەسىتەدى. مۇلىك سالىعىن ءوندىرۋ ءۇشىن ولار گاحاردوعا بارادى. حەنارو مۇلىك سالىعىن تولەۋگە دايىن ەكەنىن، ءبىراق بارلىعى دا زاڭ بويىنشا جۇزەگە اسۋىن تالاپ ەتەدى. ال، زاڭ بويىنشا سالىقتىڭ سۋمماسىن انىقتاۋ ءۇشىن مۇلىك تۇرعان ورىنعا بارۋ كەرەك. ونىڭ ءبىر- اق جولى عارىشقا شىعۋ ەدى.. . حەنارو گاحاردو ۆەرا ءبىز وسى ۋاقىتقا دەيىن جەردىڭ سەرىگى دەپ كەلگەن ايدىڭ زاڭدى، ناعىز يەسى بولىپ شىقتى.
Massaget.kz
