اقىلدى الاياقتار

 استانا. قازاقپارات -  زاڭداردان اۋىتقىماي جۇيەدەن كەمشىلىكتەردى تابۋ -  بۇل تەك قىلمىسكەرلەردىڭ عانا ءىسى ەمەس. الەمدەگى كەيبىر ادامدار ستاندارتتان تىس ويلانۋىنىڭ ارقاسىندا پايداعا كەنەلىپ جاتادى.

 مۇنداي اڭگىمەلەر ءارقاشان گولليۆۋد ستسەناريلەرىنىڭ ايگىلى شىعارمالارىندا عانا ەمەس، ومىردە دە بولىپ جاتادى. وسى جازبامىزدا ەرەجەلەر بويىنشا ءتۇرلى قىزمەتتەردى تەگىن پايدالانعان اقىلدى الاياقتار تۋرالى ايتامىز.

 1. ءبىر جىلعا تەگىن VIP قىزمەت قىتايلىق كۆونگ يف يي پو ءبىر جىل بويى ەشقايدا ۇشپاسا دا، VIP- تەگى تەگىن قىزمەتتى پايدالانىپ كەلگەن. اۋەجاي بيزنەس- كلاسس كليەنتتەرى ءۇشىن ءبىرقاتار قولايلى قىزمەتتەردى ۇسىنعان. ال، بۇل قىزمەتتەر بيلەت قۇنى ىشىنە كىرگىزىلگەن. بۇل قىزمەتتەر ىشىنە ۇشۋدان بۇرىن VIP اۋماعىنا كەلىپ ول جەردەگى بار، مەيرامحانا، دەمالۋ ورنىن پايدالانۋ كىرگەن، بۇلاردىڭ ءبارىن پايدالانۋ تەگىن ەدى. كۆونگ يف «China Eastern Airlines» ۇشاعىنا كۇندە بيلەت ساتىپ الىپ، ءبىراق ۇشۋدان باس تارتىپ بيلەتتى قايتا وتكىزىپ تاستايتىن بولعان. يۋشۋ كسيان اۋەجايىندا ول بيلەت ساتىپ العانى ءۇشىن VIP- كلۋب مۇشەسى رەتىندە تىركەۋدەن ءوتىپ، كۇن سايىن تەگىن تۇسكى اس ءىشىپ، وسىدان سوڭ بيلەتتى وتكىزىپ ۇيىنە قايتاتىن بولعان. اۋەجاي اكىمشىلىگى ونىڭ بۇل الاياقتىعىن تەك ءبىر جىلدان سوڭ، بيلەتتى 300 رەت قايتارا وتكىزگەن سوڭ بىلگەن ەكەن.

 2. جالدامالى مامانداردىڭ ەڭبەگى امەريكالىق كومپانيانىڭ قاۋىپسىزدىك ءبولىمىنىڭ مامانى كومپانياداعى ءبىر قىزمەتكەردىڭ ينتەرنەتتە ۆيديولاردى ىزدەۋ بويىنشا كومپانياعا قاتىسى جوق «Reddit» پەن «ەBay» سايتتارىنا وتە كوپ كىرەتىنىن انىقتاعان. تەكسەرۋ كەزىندە ءمالىم بولعانداي كومپانيانىڭ بۇل قىزمەتكەرى وزىنە جۇكتەلگەن تاپسىرمالاردى ينتەرنەت ارقىلى قىتايلىق ماماندارعا ىستەتىپ ەسەسىنە ايلىعىنىڭ 5/1 بولىگىن بەرىپ وتىرعانى انىقتالعان.

 3. تەمەكى شەگۋدىڭ جولى 2007 -جىلى ا ق ش- تىڭ ميننەسوتا شتاتىنداعى بارلاردا تەمەكى شەگۋگە تيىم سالۋ زاڭى ءوز كۇشىنە ەنەدى. قىستا ەشقانداي كليەنت سىرتقا شىعىپ تەمەكى شەكپەيتىن. وسىنىڭ سالدارىنان بار يەلەرى تابىستان قۇر قالىپ جاتادى. ءبىراق، كاسىپكەرلەر بۇل زاڭدى اينالىپ ءوتۋ جولىن تابادى. زاڭعا سايكەس ەگەر اكتەر رول ويناپ جاتىپ سەناري بويىنشا تەمەكى شەگەتىن بولسا كورەرمەندەر دە تەمەكى تارتۋىنا بولاتىن. زاڭدا اكتەر كاسىبي بولۋ- بولماۋى ايتىلماعانى سەبەپتى «Barnacl» بارىنىڭ يەلەرى كۇن سايىن كەشكى تەاتر كورىنىسىن ۇيىمداستىرادى. ول بويىنشا بارلىق داياشىلار دا كەلۋشى قوناقتار دا اكتەر سياقتى رولگە كىرىپ، ناتيجەسىندە باردان شىقپاي- اق تەمەكى شەگۋ قۇقىعىنا يە بولادى.

 4. اقىسىز ۇشۋ 1999 -جىلى امەريكالىق ينجەنەر دەۆيد فيلليپس دەسەرت ونىمدەرىن شىعارۋشى كومپانيا مەن جاڭادان اشىلعان اۋەكومپانيالاردىڭ بىرلەسكەن جارناماسىن وقىپ قالادى. جارنامادا پۋدينگ قۇتىلارىنداعى پرومو كودتىڭ 10 داناسىن جيناعان ادامعا 1000 ميل تەگىن ۇشۋعا بولاتىنى ايتىلعان. ەسەپتەپ كورگەن دەۆيد تەگىن ۇشۋعا بولاتىنىن ءبىلىپ الادى. ول 3140 دوللارعا 12150 قۇتى پۋدينگ ساتىپ الىپ، پرومو كودتاردى جيناپ 25 مىڭ دوللارلىق بيلەتتى تەگىن الادى. ناتيجەسىندە ول وسىلاي 3 جىل بويى اسپاندا تەگىن ساياحاتتاعان.

 5. ءجۇزۋشى ۇيلەر ⅩⅩعاسىر باسىندا سيەتل قالاسىنداعى ازاماتتىڭ ءبىرى زاڭ بويىنشا قايىق، سال جانە وسىعان ۇقساس سۋدا جۇزەتىن زاتتارعا سالىق تولەمەۋگە بولاتىنىن ءبىلىپ قالادى. ول سۋ ۇستىنە ءۇي تۇرعىزسا سالىق تولەمەيتىنىن ويلاپ، ۇلكەن سال ۇستىنە ءۇي سالىپ الادى. تەز ارادا جەر ساتىپ الا الماعاندار قايىق پەن سالداردى جاساي باستايدى. وسىلاي قالا ماڭىنداعى ۆشينگتون كولى ءجۇزىپ جۇرەتىن ۇيلەرگە تولىپ كەتەدى. وسىنىڭ سالدارىنان كول لاستانا باستاعانى سەبەپتى ۇكىمەت بۇل جاعدايدى ەسكەرىپ، كولدەگى ۇيلەرگە دە سالىق تولەيتىندەي ەتىپ، سۋ ۇستىنە ءۇي تۇرعىزۋعا تىيىم سالادى.

 

Massaget.kz