سۋعا باتقان ادامدى قانشا مينۋتتا امان الىپ قالۋعا بولادى
«وكىنىشكە وراي شومىلۋ ماۋسىمى باستالعان ساتتەن بەرى كوپتەگەن ادام سۋعا كەتىپ قازا تاۋىپ جاتىر. ونىڭ ىشىندە بالالار دا بار. استانا بويىنشا قايعىلى 8 وقيعا تىركەلسە، سونىڭ بەسەۋىندە 9-12 جاس ارالىعىنداعى بالالار سۋعا كەتتى. ستاتيستيكالىق دەرەكتەرگە قاراعاندا، سۋعا كەتەتىن ادامداردىڭ باسىم بولىگى 25 پەن 40 جاس ارالىعىنداعى ازاماتتار. بۇل ويلاناتىن جايت. ەڭ ءبىرىنشى قيىندىق - اتا- انالاردىڭ بالالارىن قاراۋسىز قالدىرۋى. ءبىزدىڭ تاراپتان ايتىلدى، ەسكەرتىلدى، بارلىق الەۋمەتتىك جەلىلەردە ەسكەرتۋلەر بەردىك. وكىنىشكە وراي بىرەۋلەرى وقىسا، ەكىنشىسى ەلەمەي سونىڭ سالدارىنان قايعىلى جاعدايعا دۋشار بولادى»، - دەدى ول.
ونىڭ ايتۋىنشا، سۋعا كەتۋدىڭ تاعى ءبىر سەبەبى سۋعا شومىلۋ كەزىندە ىشىمدىك ءىشۋ بولىپ وتىر.
«ماسەلەن، ەلوردا كۇنى مەيرامى كەزىندە ەسىل جاعاسىنان ىشىمدىككە سىلقيا تويىپ، جالعىز ءوزى ۇيىقتاپ قالعان ازاماتتى تاۋىپ الدىق. ءبىز ەسىن جيدىرىپ، پوليتسياعا تاپسىردىق. ول اكىمشىلىك جاۋاپقا تارتىلدى. تاعى بىردە ىشىمدىك ءىشىپ العان 4 ازامات بەلگىلەنبەگەن جەردە سۋعا ءتۇسىپ ءجۇر ەكەن. ولارعا دا ەسكەرتۋ جاساساق، ءوز قۇقىعىمىزدى بىلەمىز دەگەن جەلەۋمەن دورەكىلىك تانىتتى. ال ءبىز سولاردىڭ قاۋىپسىزدىگى ءۇشىن جۇمىس ىستەيمىز عوي»، - دەدى ەلدور رايىمبەكوۆ.
ونىڭ ايتۋىنشا، سۋعا كەتكەن ادامدى 5 مينۋتتىڭ ىشىندە جانىن الىپ قالۋعا بولادى.
«جالپى، سۋعا باتىپ بارا جاتقان ادامدى كورسەڭىز، ايعايلاپ، دابىل قاعۋىڭىز قاجەت. ماسەلەن، ەلوردادا جاسوسپىرىم سۋعا باتىپ كەتكەن كەزدە قاسىنداعى بالالار ۇيلەرىنە قاشىپ كەتكەن. ۇيلەرىنە بارعاننان كەيىن حابار بەرگەن. سول جەردە ادامدار دا بولعان، ەگەر ولار ايقايلاپ، دابىل بەرگەندە سول بالانى قۇتقارىپ قالار ەدى»، - دەدى ءبولىم باستىعى.
ايتا كەتەيىك، ەلىمىزدىڭ اۋماعىندا 50 مىڭنان استام سۋ قويماسى بار. الايدا، ولاردىڭ تەك 100-گە جۋىعىندا عانا قۇتقارۋشىلار جۇمىس ىستەيدى. بارلىق سۋ قويمالارىن قۇتقارۋشىلارمەن قامتاماسىز ەتۋ ازىرشە مۇمكىن ەمەس.
اۆتور: مارلان جيەمباي
