اقتاۋدا نۇرماحان جانتورينگە الىپ ەسكەرتكىش ورناتىلدى
ەلىمىزدىڭ ەڭ جاس تەاترى سانالاتىن نۇرمۇحان ءجانتورين اتىنداعى ونەر ورداسى ەلباسىنىڭ ۇسىنىسىمەن 2003 -جىلدىڭ 21 -ناۋرىزىندا اشىلعان بولاتىن. وسىدان ون ەكى جىل بۇرىن نۇرمۇحان ءجانتورين شاعىن عانا ءمۇسىن ورناتىلعان. بۇگىن قازاقتىڭ ۇلى اكتەرىنە ونەردەگى اسقاق بەينەسى مەن ومىردەگى سوم تۇلعاسىنا ساي ەڭسەلى ەسكەرتكىش 90 جىلدىعىنا وراي بوي كوتەردى.
استانا قالاسىنىڭ 20 جىلدىق مەرەيتويى مەن اقتاۋ قالاسىنىڭ 55 جىلدىعى قارساڭىندا تۇرعىزىلعان ءجانتورين ەسكەرتكىشى اكتەردىڭ ءوز ەسىمىمەن اتالاتىن قارا شاڭىراق ماڭعىستاۋ وبلىستىق دراما تەاترىنىڭ الدىندا ورناتىلدى. جەرگىلىكتى كاسىپكەرلەردىڭ قاراجاتىنا تۇرعىزىلعان ەسكەرتكىش، قالانىڭ مەرەيتويى مەن حالىق ءارتىسىنىڭ 90 جىلدىق تورقالى تويىنا ۇلكەن سىي بولماق.
ۇلتتىق كينو جانە ساحنا ونەرىنىڭ الەمدىك دەڭگەيدەگى جارىق جۇلدىزى نۇرمۇحان ءجانتوريننىڭ ەڭسەلى ەسكەرتكىشىنىڭ اشىلۋ سالتاناتىنا وبلىس اكىمى ەرالى توعجانوۆ، اكتەردىڭ نەمەرە ءىنىسى عاريپوللا بايزاقوۆ، ۇزەڭگىلەس دوسى ءارى حالىق ءارتيسى گۇلجان اسپەتوۆا جانە جەرگىلىكتى زيالى قاۋىم وكىلدەرى قاتىستى.
نۇرمۇحان ءجانتورين ەسكەرتكىشىنىڭ اشىلۋىن ماڭعىستاۋ جۇرتى زور قۋانىشپەن قابىلداپ، وبلىس اكىمدىگىنە جانە ۇلكەن ءىستىڭ باسى- قاسىندا جۇرگەن ازاماتتارعا العىسىن ايتتى. اكتەردىڭ تۋعان كۇنىنە ارناپ، الدا ءالى تالاي ايتۋلى شارالار اتقارىلماق. بۇگىنگى يگى ءىس تەك باستاماسى عانا.
ەرالى توعجانوۆ جينالعان قاۋىمدى قوس قۋانىش - استانا قالاسىنىڭ 20 جىلدىعىمەن جانە نۇرمۇحان ءجانتورين ەسكەرتكىشىنىڭ اشىلۋىمەن قۇتتىقتادى. ەسكەرتكىشتە نۇرمۇحان ءجانتوريننىڭ وي ۇستىندە وتىرعان ءساتى بەينەلەنگەن. قولدان تۇرعىزىلعان ءمۇسىننىڭ ۇزىندىعى 2 م 7 س م. تۇعىرى گرانيت تاستان جاسالعان ەسكەرتكىش 3 اي ىشىندە دايىندالعان. جالپى بيىكتىگى 4,5 مەتر. اۆتورى جەرگىلىكتى ءمۇسىنشى كوشەر بايعازيەۆ.
وبلىستىڭ الەۋمەتتىك- ەكونوميكالىق احۋالى جىلدان-جىلعا جاقسارىپ، مادەنيەتى مەن ونەرى قارقىندى دامىپ كەلەدى. بۇگىنگى ەسكەرتكىشىنىڭ اشىلۋى سونىڭ ءبىر كورىنىسى. بۇدان بولەك، بىلتىر وتپانتاۋدىڭ باسىندا قازاقتىڭ ءۇش بيىنە ارناپ جاڭا ەسكەرتكىش بويى كوتەرىپ، دالا بيلەرىنىڭ بەيىنەسى كەڭ دالانىڭ توسىنەن ورنالاستى. سونداي-اق، وتكەن جىلى وبلىستا 11 جىلدان كەيىن رەسپۋبليكالىق اقىندار ايتىسى قايتا جانداندى. ايتىس دەسە ىشكەن اسىن جەرگە قوياتىن ماڭعىستاۋ جۇرتشىلىعى ءۇشىن بۇل ۇلكەن سىي بولدى.
