قىتايلىق كومپانيا جۇرگىزۋشىسىز باسقارىلاتىن العاشقى اۆتوبۋستى شىعاردى

 استانا. قازاقپارات - قىتايدىڭ Baidu كومپانياسى جۇرگىزۋشىسىز باسقارىلاتىن ەڭ العاشقى 100 اۆتوبۋستىڭ جاسالعانىن حابارلادى. بۇل جايىندا TechcRunch باسىلىمى جازادى.

 سىيىمدىلىعى 14 ادامدى قۇرايتىن اۆتوبۋستار قىتايدىڭ وڭتۇستىگىندە زاۋىتتان شىققان. كولىك Apollo اتتى اۆتوپيلوتپەن قامتاماسىز ەتىلگەن. بۇگىنگى تاڭدا «Apollo» - مەن كولىك نارىعىنداعى الەمنىڭ 116 كومپانياسى بىرلەسە جۇمىس جاساۋدا. ولاردىڭ ىشىندە Jaguar، Land Rover سياقتى بەلگىلى برەندتەر دە بار. دوڭگەلەگى ءرولسىز باسقارىلاتىن بۇل اۆتوبۋستار قىتاي مەن جاپونيا اۋماعىندا سىناقتان وتەدى. العاشقى اۆتوبۋستار 2019 -جىلى جاپونيا كوشەلەرىندە جولاۋشىلاردى تاسىمالدايدى.

Massaget.kz