استانا كۇنى ەلىمىزدە اۋا رايى قانداي بولادى؟
سينوپتيكتەردىڭ مالىمەتىنشە، ەلىمىزدىڭ ورتالىق، سولتۇستىك، باتىس وبلىستارىندا الداعى كۇندەرى اۋا تەمپەراتۋراسى جوعارىلايدى.
«قازاقستاننىڭ سولتۇستىك جانە ورتالىق وبلىستارىنا باتىس وبلىستارىندا بولعان انومالدى ىستىق اۋا-رايىمەن بايلانىستى انتيتسيكلون جىلجىدى. سوندىقتان الداعى دەمالىس كۇندەرى سولتۇستىك، ورتالىق، وڭتۇستىك جانە شىعىس وبلىستارىندا ىستىق جانە اسىرەسە جاۋىن-شاشىنسىز اۋا رايى كۇتىلەدى. سولتۇستىك جانە شىعىس وبلىستاردا ماكسيمالدى تەمپەراتۋرا پليۋس 30...38 گرادۋسقا دەيىن، ورتالىق جانە ورتالىق-شىعىس وبلىستاردىڭ كەي جەر-لەرىندە پليۋس 40...43 گرادۋسقا دەيىن جوعارىلايدى. ال باتىس وبلىستارعا اتموسفەرالىق فرونتتار جىلجىپ، سولارعا بايلانىستى كەي جەرلەردە نايزاعايلى جانە ەكپىندى جەلدى وتكىنشى جاڭبىر، سونداي-اق، كۇندىز ىستىقتىڭ 30...36 گرادۋسقا دەيىن السىرەۋى كۇتىلەدى، ءبىراق ماڭعىستاۋ وبلىسىندا 40 گرادۋستىق ىستىق ءالى دە ساقتالادى»، - دەدى سينوپتيكتەر.
